1先知耶利米寫一封信仔給該兜對耶路撒冷被尼布甲尼撒捉去巴比倫還生个長老，並祭司、先知、㧯民眾。
2這封信仔係在約雅斤王、太后、該兜太監、猶大地方㧯耶路撒冷个官員、打鐵師傅，㧯技術人員全部離開耶路撒冷以後寫个。
3該時，猶大王西底家派沙番个孻仔以利亞撒㧯希勒家个孻仔基瑪利到巴比倫去見尼布甲尼撒王。這封信仔係交給佢兩儕帶去个。信仔个內容係恁樣寫：
4「上主—萬軍个元帥、以色列个上帝㧯所有對耶路撒冷被佢捉到巴比倫去个人恁樣講：
5『你等愛起屋，好住下來；愛耕種，好食田園个出產。
6你等愛結婚，𫱔子女；你等个子女也愛結婚，𫱔子女，使你等在該位會興旺，人口增加，毋會減少。
7你等愛為𠊎逐你等去个該兜城市謀福利，為它兜个繁榮向𠊎祈求；該兜所在有平安，你等正會有平安。
8𠊎—上主、萬軍个元帥、以色列个上帝警告你等：毋好俾你等當中該兜先知，抑係自誇會卜卦个人騙走；也毋好相信佢等發夢看到个。
9佢等借𠊎个名講假預言來騙你等；𠊎並無派佢等。𠊎—上主恁樣宣佈了。』
10「上主恁樣講：『經過巴比倫統治七十年以後，𠊎會顧念你等，實現𠊎對你等所講恩惠个話，將你等帶轉這所在。
11只有𠊎知𠊎為你等安排个計劃：係平安，毋係災難；𠊎愛使你等有前途有盼望。
12該時，你等會求喊𠊎，向𠊎祈禱，𠊎也會聽你等个祈求。
13你等尋𠊎，一定尋得到；你等若專心尋𠊎，
14𠊎保證俾你等尋到。你等雖然被𠊎捉走，𠊎愛俾你等轉故鄉。𠊎愛對逐你等去个各國各所在將你等集合起來，帶你等轉到你等被𠊎捉走所離開个故鄉。𠊎—上主恁樣宣佈了。』
15「因為你等講：『上主在巴比倫有為𠊎等興起先知』，
16所以，有關大衛王室个君王㧯該兜留在這城、無㧯你等共下被人捉去个同胞，
17上主—萬軍个元帥恁樣講：『𠊎愛使佢等堵到戰爭、飢荒㧯發瘟。𠊎愛使佢等像壞到食毋得个無花果。
18𠊎愛用戰爭、飢荒㧯發瘟來逐佢等。無論𠊎逐佢等到麼介所在去，世界各國个人全部會當惱佢等，將佢等看做受咒詛，害人發咄愕，被人看輕、侮辱个對象；
19因為佢等毋聽從𠊎个話。𠊎一擺又一擺派𠊎个僕人—該兜先知向佢等傳話，總係佢等完全毋聽。
20所以，𠊎對耶路撒冷逐走，被人捉到巴比倫去个人啊，你等愛注意聽𠊎—上主个話。』
21「有關借上主个名講假預言騙你等該哥賴雅个孻仔亞哈，㧯瑪西雅个孻仔西底家，上主—萬軍个元帥、以色列个上帝講：佢愛將這兩儕交給巴比倫王尼布甲尼撒手中。尼布甲尼撒會在你等面前將佢等處死。
22你這兜對猶大被人捉到巴比倫去个人愛咒詛別人个時，你等會講：『願上主對付你，像佢對付被巴比倫王生生燒死个西底家㧯亞哈一樣！』
23因為佢等在以色列犯悖逆个罪—㧯鄰舍个𡜵娘行姦淫，又借上主个名講花撩。上主知佢等个行為，又親目珠看到佢等个所做。上主恁樣宣佈了。」
26「上主已經指派你做祭司來代耶何耶大；你這下係聖殿个監督。你个責任係處罰逐個封自家做先知个狂人，用鐵鍊鎖等，用枷將佢等个頸筋卡起來。
27這下，你等當中有一個亞拿突人耶利米，自家封自家做先知；你做麼介毋盡責任處罰佢呢？
28佢識寫信仔㧯𠊎這兜在巴比倫个同胞講，𠊎等流亡个時間會當長，所以吩咐𠊎等愛起屋，好住下來；也愛耕種，好食田園个出產。」
29祭司西番雅將這封信讀給𠊎聽。
30上主就吩咐𠊎