1𠊎正經聽講你等中間有淫亂个事；這種淫亂連異教徒中間也無。𠊎聽講有人同到厥後𡟓！
2你等還自高自大！你等應該感覺痛心，將行這種事个人對你等當中逐出去！
5你等應該將這人交給撒但，俾撒但毀滅佢个肉體，使佢个靈魂在主再來該日會得救。
6你等自誇係盡毋著个！你等敢毋知，一些仔發酵就會使歸團麵發起來？
7你等既然係無發酵个麵，愛除掉罪，像除掉舊發酵一樣；你等正會像無發酵个新麵團一樣，完全淨浰。𠊎等𨃟過節个筵席已經準備好了，因為基督—𨃟過節个羔羊已經為𠊎等犧牲。
8所以，𠊎等過𨃟過節个時，做毋得用舊發酵，就係有罪㧯邪惡个發酵；愛用無發酵个餅仔，就係有純潔㧯真理个餅仔。
9以前寫給你等个信仔，𠊎識警戒你等，毋好同淫亂个人來往。
10𠊎毋係指這世間一切淫亂、貪心、做賊、抑係拜偶像个人來講；除非離開世間，愛同這兜人隔開係無可能个。
11這下，𠊎寫信仔㧯你等講：毋好同自稱信徒又犯淫亂、貪心、拜偶像、辱罵人、酒醉、抑係做賊个人來往；就係同這種人共桌食飯也做毋得。