Bible

1 上主啊，𠊎个仇敵實在真多！有盡多人䟘起來攻擊𠊎！ 2 恁多人議論𠊎，講：「上帝毋會拯救佢！」 3 總係上主啊，你就係保護𠊎个盾牌；你俾𠊎得勝，又使𠊎个頭那擎起來。 4 𠊎出聲求喊上主，佢就對佢个聖山應𠊎。 5 𠊎攋下來，就睡掉；𠊎再醒起來，因為上主一直保護𠊎。 6 就算有幾下萬个仇敵圍等來攻擊𠊎，𠊎乜毋驚。 7 上主啊，求你䟘起來！𠊎个上帝啊，來救𠊎！你打𠊎一切仇敵个嘴角，敲掉所有邪惡人个牙齒。 8 拯救係對上主該位來个；願你賜福給你个子民！