Bible

1 𠊎个上帝，𠊎个辯護者啊，𠊎求喊个時，求你應𠊎！𠊎識在患難中得到你个透放；這下，求你憐憫𠊎，聽𠊎个祈禱！ 2 你這兜人啊，你等將𠊎个榮光變做侮辱愛到幾時呢？你等愛虛假，好花撩，愛到幾時呢？ 3 愛知，上主分別敬虔个人歸屬佢；上主一定會聽𠊎个求喊。 4 你等愛驚鹿鹿仔，莫再犯罪；在眠床頂个時，愛恬恬反省。 5 愛獻上應當獻个祭，一心一意信靠上主。 6 盡多人講：「麼人會使𠊎等尋到福氣呢？」上主啊，求你用慈愛光照𠊎等！ 7 你賜給𠊎內心个歡喜，贏過佢等个五榖豐登、新酒滿槽。 8 𠊎一眠下去，就平平安安睡到天光；上主啊，使𠊎住到安安全全个就係你。