Bible

1 世界㧯其中个一切，全部係上主个；大地㧯地上个萬物，也係佢个。 2 佢將大地建立在深海个頂高，將地个根基安在深水个底背。 3 麼人做得上去上主个山？麼人做得進入佢个聖殿？ 4 就係雙手清潔，心肝淨浰，無拜偶像，發誓無做假个人。 5 這種人，上主愛賜福給佢；拯救佢个上帝愛判佢無罪。 6 這兜人愛來朝見上主，來到雅各个上帝面前。 7 城門啊，打開來！永久个門啊，打開來！榮光个君王愛入來！ 8 這榮光个君王係麼人？佢就係堅強有大能力个上主，就係在戰場逐擺打贏个上主！ 9 城門啊，打開來！永久个門啊，打開來！榮光个君王愛入來！ 10 這榮光个君王係麼人？上主—萬軍个元帥，佢就係榮光个君王！