Psalms 136
1 愛感謝上主，因為佢係至善；佢个慈愛永遠長存。
2 愛感謝萬神个上帝；佢个慈愛永遠長存。
3 愛感謝萬主个主宰；佢个慈愛永遠長存。
4 唯有佢能行大神蹟；佢个慈愛永遠長存。
5 佢用自家个智慧創造諸天；佢个慈愛永遠長存。
6 佢在深水个頂高鋪設大地；佢个慈愛永遠長存。
7 佢創造日頭㧯月光；佢个慈愛永遠長存。
8 佢造日頭管理日時頭；佢个慈愛永遠長存。
9 月光㧯星辰管理暗晡時；佢个慈愛永遠長存。
10 佢㓾死埃及所有頭胎个；佢个慈愛永遠長存。
11 佢帶領以色列人出埃及；佢个慈愛永遠長存。
12 佢伸出大能个手㧯手髀；佢个慈愛永遠長存。
13 佢分開紅海个水；佢个慈愛永遠長存。
14 佢帶領以色列人行過去；佢个慈愛永遠長存。
15 佢將埃及王㧯佢个軍隊淹死在紅海；佢个慈愛永遠長存。
16 佢帶領佢个子民經過曠野；佢个慈愛永遠長存。
17 佢㓾死該兜勇壯个王；佢个慈愛永遠長存。
18 佢㓾死該兜出名个王；佢个慈愛永遠長存。
19 佢㓾死亞摩利王西宏；佢个慈愛永遠長存。
20 佢㓾死巴珊王噩；佢个慈愛永遠長存。
21 佢將佢等个土地賜給佢个子民做產業；佢个慈愛永遠長存。
22 佢將佢等个土地賜給佢个僕人以色列；佢个慈愛永遠長存。
23 𠊎等失敗个時，佢無放掉𠊎等；佢个慈愛永遠長存。
24 佢救𠊎等脫離仇敵个手；佢个慈愛永遠長存。
25 佢賜食物給人㧯動物；佢个慈愛永遠長存。
26 愛感謝天頂个上帝；佢个慈愛永遠長存。