Bible

1 以色列啊，你講看仔！上主若無幫助𠊎等，你講，𠊎等會樣般呢？ 2 「若毋係上主幫助𠊎等，恁樣，當仇敵攻擊𠊎等、 3 對𠊎等大發譴个時節，早就將𠊎等生生吞掉； 4 大水早就將𠊎等打走，波浪早就將𠊎等淹過， 5 急流早就淹死𠊎等囉！」 6 𠊎等愛感謝上主！佢無由在𠊎等被仇敵食掉。 7 𠊎等像鳥仔對獵人个羅網逃走；網仔裂掉，𠊎等就得到自由。 8 𠊎等个幫助對上主來；佢係創造天地个主宰。