Bible

1 𠊎敬愛上主，因為佢聽𠊎个聲㧯𠊎个懇求。 2 𠊎逐擺求喊佢，佢就側耳聽𠊎。 3 死亡个絞索纏等𠊎；陰間个痛苦逐到𠊎；𠊎驚到會死，非常憂愁。 4 𠊎就求喊上主，講：「上主啊，求你救𠊎！」 5 上主有恩惠，又有公義；𠊎等个上帝滿有憐憫。 6 上主保護單純个人；𠊎卑微軟弱，佢就救𠊎。 7 𠊎个心啊，你愛安靜下來，因為上主一直好款待你。 8 上主救𠊎个命脫離死亡；𠊎个目珠毋使再流目汁，𠊎个腳也毋會再打盪溜。 9 所以𠊎愛在上主面前，在生人个世界來出入。 12 上主賜給𠊎个一切大恩，𠊎愛樣般報答呢？ 13 𠊎愛擎起救恩个杯，來求喊上主个聖名。 14 𠊎愛在佢子民个面前，對上主還𠊎所許个願。 15 上主忠心个子民過身，係佢看做極寶貴个事。 16 上主啊，𠊎係你个僕人；𠊎㧯吾姆共樣服事你。你已經解開𠊎个鎖鍊。 17 上主啊，𠊎愛對你獻感謝个祭；𠊎愛求喊你个名。