Bible

1 以色列个人民一離開埃及，雅各个子孫一出外邦个地， 2 猶大就成做上帝个聖地，以色列成做佢治理个國。 3 紅海一看到，水就逃走；約旦河个水也顛倒流。 4 大山像公羊緊跳；細山像細羊緊跳。 5 紅海啊，你做麼介愛逃走？約旦河啊，你樣般顛倒流？ 6 大山啊，你做麼介像公羊緊跳？細山啊，你樣般像細羊緊跳？ 7 大地啊，主到个時節你愛緊顫，在雅各个上帝面前你愛緊掣！ 8 佢使磐石成做陂塘，使巖石沖出泉水來。