Bible

1 愛讚美上主！敬畏上主，盡歡喜遵行佢誡命个，這種人實在有福氣噢！ 2 佢个子孫在地上會盡強盛；義人个後代一定會受祝福。 3 佢个家族會興旺富足；佢个善行會永遠長存。 4 佢像光，為到義人照在烏暗中；佢滿有恩惠、憐憫㧯公義。 5 對人大方，肯借給人，經營事業非常公平，這種人實在有福氣！ 6 佢的確永遠毋會失敗；義人會永遠得到紀念。 7 佢毋會被壞消息驚到；佢个心堅定，信靠上主。 8 佢个心在在，全無驚麼介；最尾，佢會看到敵人失敗。 9 佢慷慨救濟窮苦人，佢个仁義永遠長存；佢會強盛，受人敬重。 10 壞人看到恁樣就盡譴；佢等咬牙切齒閼到會死；佢等个希望完全落空。