Bible

1 上主指示摩西㧯亞倫： 2 以色列人安營个時，逐儕愛在所屬个大旗下，照自家宗族个大旗，面對聖帳篷、在聖帳篷四周圍安營。 17 然後，在前兩個㧯後兩個總隊中間，利未人愛扛等聖帳篷行。逐個總隊愛照安營个順序，在逐隊大旗下个固定位仔向前行。 32 照逐區，一隊一隊登記个以色列總人數有六十萬三千五百五十人。 33 照上主命令摩西个，利未人無㧯其他个以色列人共下登記。 34 以色列人全部照上主給摩西个命令去做，佢等在自家所屬个大旗下安營，也跈等本宗族向前行。