Numbers 3
1 上主在西奈山對摩西講話該時節，亞倫㧯摩西个後代有下背這兜人：
2 亞倫有四個孻仔：長子拿答，佢下來係亞比戶、以利亞撒、以他瑪。
3 佢等全部受膏油、受聖職做祭司。
4 總係拿答㧯亞比戶在西奈曠野向上主獻無合法个火个時，死在上主面前。佢等無孻仔，所以以利亞撒㧯以他瑪在亞倫還在个時就做祭司。
5 上主對摩西講：
6 「你愛𢱋利未支族前來，派佢等做亞倫祭司个僕人。
7 佢等愛辦理聖帳篷个事，代祭司㧯全會眾執行任務。
8 佢等愛管理聖帳篷所有个用品，代其他个以色列人執行任務，辦理聖帳篷个事。
9 利未人係對以色列人中揀選出來个，佢等惟一个責任係服事亞倫㧯佢該兜孻仔。
10 你愛派亞倫㧯佢該兜孻仔負責祭司个職務。所有其他个人若係干涉這個職務，一定愛處死刑。」
11 上主又對摩西講：
14 上主在西奈曠野命令摩西，講：
15 「你愛照宗族㧯家族登記利未人，出世一個月以上个細孻仔全部登記下來。」
16 摩西就照上主所命令个去登記。
17 利未有三個孻仔：革順、哥轄、米拉利；佢等係革順族、哥轄族、米拉利族个祖先。
18 革順有兩個孻仔：立尼㧯示每。
19 哥轄有四個孻仔：暗蘭、以斯哈、希伯倫、烏薛。
20 米拉利有兩個孻仔：抹利㧯母示。這兜孻仔係對利未支族傳下來逐家族个祖先。
21 革順宗族有立尼㧯示每兩個家族。
22 出世一個月以上个細孻仔登記个總人數係七千五百人。
23 這宗族愛在西片，在聖帳篷後背安營。
24 拉伊勒个孻仔以利雅薩係這宗族个族長。
25 這宗族愛負責掌管聖帳篷，聖帳篷底背个篷頂㧯外層个頂蓋、門簾、
26 聖帳篷㧯祭壇周圍庭院个帳幔、庭院門个門簾、㧯索仔。佢等愛負責所有㧯這兜東西有關个事務。
27 哥轄宗族有暗蘭、以斯哈、希伯倫㧯烏薛四個家族。
28 出世一個月以上个細孻仔登記个總人數係八千六百人。
29 這宗族愛在聖帳篷南片安營。
30 烏薛个孻仔以利撒反係這宗族个族長。
31 佢等愛負責掌管約櫃、供桌、燈臺、兩座祭壇、祭司在聖所用个用品，以及到聖所門口个門簾。佢等愛負責所有㧯這兜東西有關个事務。
32 利未人个總領袖係祭司亞倫个孻仔以利亞撒；佢負責管理該兜在聖所執行任務个人。
33 米拉利宗族有抹利㧯母示兩個家族。
34 出世一個月以上个細孻仔登記个總人數係六千兩百人。
35 這宗族愛在聖帳篷北片安營。亞比亥个孻仔蘇列係這宗族个族長。
36 這宗族派去負責掌管聖帳篷个骨架、橫杠、柱仔、柱座㧯這兜東西所有个附件。佢等愛負責所有㧯這兜東西有關个事務。
37 佢等也愛負責掌管庭院个柱仔、柱座、釘仔㧯索仔。
38 摩西、亞倫㧯佢該兜孻仔愛在東片，在聖帳篷个頭前安營。佢等愛負責代以色列人執行聖所底背个事務。所有其他个人若係干涉這個職務，一定愛處死刑。
39 摩西㧯亞倫遵照上主个命令，照宗族登記利未人，包含出世一個月以上个細孻仔，男人登記个總數係兩萬兩千人。
44 上主對摩西講：
45 「這下你愛將利未人奉獻給𠊎，來代以色列人所有个長子，也愛將利未人个頭牲奉獻給𠊎，來代以色列人頭胎个頭牲。利未人愛歸屬𠊎；𠊎係上主。
46 因為以色列人个長子比利未人多出兩百七十三人，你一定愛將這兜長子贖轉去。
47 照聖所規定个標準，逐儕愛納五隻銀幣。
48 你愛將這代贖錢給亞倫㧯佢該兜孻仔。」
51 照上主个命令將這代贖錢交給亞倫㧯佢該兜孻仔。