Bible

1 Psalm i Asafit. Perëndia u ngrit në kuvendin hyjnor e në mes të perëndive shpall gjykim: 2 «Deri kur do të gjykoni padrejtësisht e anën e të paudhëve do të mbani? 3 Jepini të drejtën të mjerit e jetimit, bëjini drejtësi të vuajturit e skamnorit. 4 Çlirojeni të mjerin e nevojtarin, prej dorës së të paudhëve shpëtojini. 5 As dinë e as kuptojnë, nëpër terr enden; tranden gjithë themelet e tokës». 6 E unë thashë: «Jeni perëndi, të gjithë jeni bij të të Tejlartit. 7 Por do të vdisni si çdo njeri, si çdo prijës do të bini». 8 Ngrihu, o Perëndi, gjyko tokën, se ti do të trashëgosh tërë kombet.