1Til songmeisteren; av David; til minne.
2Gud, kom og berga meg! Herre, skunda deg og hjelp meg!
3Lat dei verta til skam og spott, alle som stend etter mitt liv! Lat dei vika attende og skjemmast, dei som ynskjer meg vondt!
4Lat dei snu for si skjemd dei som segjer: Ha, ha!
5Lat dei fegnast og gleda seg i deg, alle dei som søkjer deg! Lat dei som elskar di frelsa, alltid segja: Høglova vere Gud!
6For eg er arm og fatig; Gud, kom snart til meg! Du er mi hjelp og min frelsar; Herre, dryg ikkje!