Bible

1 Av David. / Eg vil prisa deg av alt mitt hjarta, for augo på gudane vil eg syngja deg lov. / 2 Eg vil kasta meg ned framfor ditt heilage tempel, eg vil prisa ditt namn for di miskunn og din truskap skuld; for du hev gjort ditt ord herleg, meir enn alt ditt namn. 3 Den dagen eg ropa, svara du meg, du gjorde meg hugheil, mi sjel fekk styrke. 4 Herre! Alle kongar på jordi skal prisa deg når dei fær høyra ordi frå din munn. 5 Og dei skal syngja um Herrens vegar; for Herrens æra er stor, 6 for Herren er høg, og han ser til den låge, og den stormodige kjenner han langan veg. 7 Um eg ferdast midt i trengsla, held du meg i live; mot harmen åt mine fiendar retter du ut di hand, og du frelser meg med di høgre hand. 8 Herren vil fullføra sitt verk for meg. Herre, di miskunn varer æveleg; det verk dine hender hev gjort, må du ikkje gjeva upp!