Psalms 98— 2006

¹Запејте Му на Господ нова песна, зашто создаде чудесни работи; Него­вата десница Му помогна и Неговата света мишка.

²Господ ја објави Својата победа, пред очите на народите ја откри Сво­јата правда.

³Се присети Тој за Својата милост и на верноста Своја кон домот Израелов; сите краишта земни го видоа спасението од нашиот Бог.

⁴Воскликни Му на Господ, цела Земјо; запеј, радуј се и пеј;

⁵пејте Му на Господ со лири, со лири и со глас псаломски;

⁶во труби и во рог затрубете пред Ца­рот — пред Господ.

⁷Нека шуми морето и сѐ она што го исполнува: вселената и сите што живе­ат во неа;

⁸да заплескаат со раце реките и заедно со горите да се зарадуваат пред лицето на Господ!

⁹Зашто Тој доаѓа да ѝ суди на Зем­јата. Тој ќе ѝ суди на вселената по правда и народите — правично.