Psalms 91— 2006

¹Кој живее под закрилата на Севиш­ниот, тој престојува во домот на небес­ниот Бог.

²И ќе Му рече на Господ: Ти си мој застапник, Ти си мое пребивалиште, Бог мој, и на Тебе ќе се надевам!

³Зашто Тој ќе те избави од стапицата на ловецот, и од чумата погубна.

⁴Со плеќите Свои ќе те осени и под крилјата Негови ќе бидеш во сигурност: Неговата верност е штит и одбрана.

⁵Нема да се уплашиш од ноќен страв, ни од стрела што лета дење,

⁶од чумата што пустоши во темнина, од зараза што опустошува напладне.

⁷Покрај тебе ќе паднат илјада, и де­сет илјади десно од тебе; но до тебе не­ма да се приближат;

⁸само ќе гледаш со очите свои и ќе ја гледаш казната на нечестивите.

⁹Зашто, Господ ти е засолниште, на­деж моја, Севишниот го избра за свое прибежиште;

¹⁰зло нема да ти се случи, и неволја нема да се приближи до шаторот твој;

¹¹затоа што ќе им заповеда на анге­лите Свои за тебе, да те чуваат на сите патишта твои.

¹²Ќе те понесат на раце, да не ја сопнеш од камен ногата своја;

¹³на отровница и на змија ќе нагазуваш, лав и змеј ќе згазуваш.

¹⁴„Бидејќи се надеваше во Мене, и ќе го избавам, и ќе го заштитам, зашто го позна името Мое.

¹⁵Ќе повика кон Мене, и ќе го чујам; со него ќе сум во неволја; ќе го избавам и ќе го прославам,

¹⁶ќе му дадам многу денови и ќе му го јавам спасението од Мене.“