Psalms 8— 2006

¹Јахве, Господи наш, колку е вели­чествено името Твое по целата земја! Си ја издигнал славата Своја над небесата.

²Од устата на новороденчињата и доенчињата си ја создал похвалата Сво­ја заради непријателите Твои, за да го замолкнеш непријателот и одмаздникот.

³Кога ќе ги погледам небесата, дела на прстите Твои, па месечината и ѕвездите, што си ги поставил Ти:

⁴Што е тоа човек, та си спомнуваш за него, или син човечки, па се грижиш за него?

⁵Си го направил малку помал од ангелите, но со слава и чест си го овенчал,

⁶и си го поставил над делата од рацете Твои, и сѐ си потчинил под нозете негови;

⁷овците и воловите сите, и ѕверо­вите полски;

⁸птиците небески и рибите морски, сѐ што се движи по морските па­тишта.

⁹Јахве, Господи наш, колку е вели­чествено името Твое по целата земја!