Joshua 21— 2006

¹Левитските родоначалници дојдоа кај свештеникот Елеазар, кај Исус, синот Навинов, и кај племенските началници на Израеловите синови,

²и им рекоа во Силом, во хананската земја, велејќи: „Господ беше заповедал преку Мојсеј да ни дадете градови за живеење и со нивните околни места за нашиот добиток.“

³И синовите Израелови им ги дадоа на левитите од своите делови, според заповедта на Господ, овие градови со нивните околни места.

⁴И се фрли ждрепка за Каатовите родови и според ждрепката на синовите од свештеникот Арон, кои беа левити, им се паднаа тринаесет градови — од Јудиното племе, од Симеоновото племе и од Венијаминовото племе;

⁵а на другите Каатови потомци според ждрепката за родовите на Ефремовото племе, на Дановото племе и на половината од Манасиевото племе им се паднаа — десет градови;

⁶на Гирсоновите потомци од племето Исахарово, од Асировото племе, од Нефталимовото племе и од половината Манасиево племе во Башан со ждрепка им припаднаа — тринаесет градови;

⁷на Мерариевите потомци, според родовите нивни, од Рувимовото племе, од Гадовото племе и од Завулоновото племе — дванаесет градови.

⁸Синовите Израелови им ги дадоа на левитите тие градови и нивните околини со ждрепка, како што беше запо­ведал Господ преку Мојсеј.

⁹А на синовите од племето Јудино и од племето Симеоново им ги дадоа овие градови што се набројуваат според имињата свои:

¹⁰на Ароновите потомци, од родовите Каатови, меѓу синовите Левиеви, бидеј­ќи нивната ждрепка беше прва.

¹¹Им го дадоа Кирјат-Арба, односно градот на Арба (Арба се викаше Ана­ковиот татко), инаку градот Хеврон, во Јудината Гора, заедно со предградијата негови;

¹²а полето на тој град и селата негови му ги дадоа во наследство на Јефу­неовиот син Халев.

¹³И така, на синовите на свештеникот Арон им го дадоа градот Хеврон, со предградијата негови, како град — при­бежиште за убијците, и Ливна со околината нејзина,

¹⁴Јатир со околината негова, Еш­темоа со околината негова,

¹⁵Холон со околината негова, Давир со околината негова,

¹⁶Ајин со околината негова, Јута со околината нејзина; Ветсамис со околината негова — девет градови од тие две племиња;

¹⁷од Венијаминовото колено: Гаваон со околината негова, Гева со околината нејзина,

¹⁸Анатот со околината негова, Алмон со околината негова — четири града.

¹⁹Сите градови на синовите Аронови, свештениците, се тринаесет градови со околините нивни.

²⁰И на родовите од Каатовите потомци, левитите, — што уште беа останале од Каатовите синови, според нивната ждрепка, им се паднаа градовите од пределите на племето Ефремово:

²¹им го дадоа Сихем со околината негова, како град-прибежиште за убијци, во Ефремовата Гора, и Гезер со околината негова.

²²Кивцаим со околината негова, Ве­торон со околината негова — четири града;

²³а од Дановото племе: Елтеке со околината негова и Гибетон со околината негова,

²⁴Ајалон со околината негова и Гат-Римон со околината негова — четири града;

²⁵од половината на Манасиевото племе: Танах со околината негова, и Јивлеам со околината негова — два града.

²⁶Сите градови што им се паднаа на другите Каатови потомци, се десет града со околините нивни.

²⁷А на Гирсоновите потомци, сродници на левитите, им ги дадоа: од поло­вината на Манасиевото племе Голан во Башан со околината негова, град-прибежиште за убијци, и Беештера со околината нејзина — два града;

²⁸од Исахаровото племе: Кишјон со околината негова, Даверат со околината негова,

²⁹Јармут со околината негова, Ен-Ганим со околината негова — четири града;

³⁰од Асировото племе: Мишал со околината негова, Авдон со околината негова;

³¹Хелкат со околината негова, Рехов со околината негова — четири града;

³²од Нефталимовото племе: Кедес во Галилеја со околината негова, — град-при­бежиште за убијци, Хамот-Дор со околината негова и Картан со околината негова — три града.

³³Сите градови што им се паднаа на Гирсоновите синови, според племињата нивни, се тринаесет градови со околи­ните нивни.

³⁴На другите левити, од родовите на Мерариевите синови, им ги дадоа од Завулоновото племе: Јокнеам со околината негова, Карта со околината нејзина.

³⁵Димна со околината нејзина, Нахалал со околината негова — четири града;

³⁶од Рувимовото племе им беше даден градот-прибежиште за убијци Бецер, во пустинската рамнина, со околината негова, Јахца со околината нејзина,

³⁷Кедемот со околината негова, Ме­фаат со околината негова — четири града;

³⁸од Гадовото племе: Рамот со околината негова — град-прибежиште за убијци, во Галаад, Маханаим со околината негова.

³⁹Есевон со околината негова, Јазер со околината негова — четири града.

⁴⁰Сите градови што им се паднаа со ждрепка на другите левитски родови, од Мерариевите синови, според домовите нивни, се дванаесет града.

⁴¹Сите левитски градови, што беа во наследствата на синовите Израелови, беа четириесет и осум града со околи­ните нивни.

⁴²Сите тие градови им беа дадени со нивните околини.

⁴³И така Господ му ја предаде на Израел целата земја, за која им се заколна на нивните таковци дека ќе им ја даде; тие ја наследија и се населија во неа.

⁴⁴И Господ им даде спокојство отсе­каде, како што им се беше заколнал на татковците нивни, и никој од непријателите нивни не се осмели да стане против нив; сите нивни непријатели Гос­под им ги предаде во нивни раце.

⁴⁵Не остана неисполнет ниеден збор од сите добри зборови, кои Господ му ги беше рекол на домот Израелов: сѐ се исполни.