1 Chronicles 5— 2006

¹Синови на Рувим, првороден Израелов; тој беше првороден, но откако ја оскверни постелата на татко си, првенството им беше дадено на сино­вите на Јосиф, син Израелов, но под услов да не се пишат првородени.

²Бидејќи Јуда беше најсилен меѓу бра­ќата свои, тоа и водачот излегуваше од него, но првенството беше пренесено на Јосиф, —

³синови на Рувим, првородениот Израелов, беа: Енох, Палу, Есром и Карми.

⁴Синови на Јоил: Шемаја, неговиот син Гог, неговиот син Семеј,

⁵негов син Миха, негов син Реаја, не­гов син Ваал,

⁶негов син Беера, кого што асир­скиот цар Тилгат-Пилнесер го одведе во плен. Тој беше началник на Рувимците.

⁷А роднините негови, според родо­вите нивни, според нивниот родо­словен список, беа: Јеиел — главен, потоа Захарија

⁸и Бела, син Азазов, син на Шема, син Јоилов; тој живееше во Ароер, до Нево и до Ваал-Меон;

⁹потоа живееше тој кон исток сѐ до влезот во пустината, кој се протега до реката Еуфрат, зашто беа многубројни во земјата Галаадска.

¹⁰Во дните на Саул, тие водеа војна со Хагријците, а тие се населија во шато­рите нивни по целата источна страна на Галаад.

¹¹Синовите Гадови живееја спроти нив во земјата Башанска, до Салеха:

¹²во Башан главен беше Јоил, втор — Сафан, потоа Јанај и Шафат.

¹³Браќата нивни со челадта своја беа седум: Михаил, Мешулам, Сева, Јорај, Јакан, Зија и Евер, седум.

¹⁴Еве ги синовите на Авихајл, син на Хури, син на Јароах, син Галаадов, син на Михаил, син Јешишаев, син Јахдоев, син Бузов.

¹⁵Ахи, син на Авдиел, син Гуниев, беше началник во домот на својот род.

¹⁶Тие се населија во Галаад, во Башан и по селата негови и во сите пасишта на Сарон, сѐ до крајните предели нивни.

¹⁷Тие сите беа впишани во родо­словијата во времето на јудејскиот цар Јотам и во времето на израелскиот цар Јеровоам.

¹⁸Меѓу потомците на Рувим и Гад и половината од племето Манасиево има­ше воинствени луѓе, мажи, кои носеа штит и меч, кои стрелаа со лак и опитни на борба, — четириесет и четири илјади седумстотини и шеесет души, што одеа во војна.

¹⁹Тие војуваа со Хагријците, со Јету­рејците, Нафишејците, Нодавеј­ците.

²⁰И помош им беше дадена против нив, и Хагријците беа предадени во рацете нивни со сѐ што имаа, зашто во времето на борбите тие Го повикуваа Господа и Тој ги услишуваше, зашто на Него се надеваа.

²¹И ги зедоа стадата нивни: педесет илјади камили, ситен добиток двесте и педесет илјади, магариња две илјади и сто илјади луѓе.

²²Зашто ранети паднаа многу, бидејќи борбата беше од Бога. И живееја на нивното место сѐ до прогонството.

²³Потомците од племето Манасиево живееја во таа земја од Башан до Ваал-Ермон и Сенир и до гората Ер­мон; и тие се намножија.

²⁴Еве ги нивните началници: Ефер, Јиши, Елиил, Азриил, Еремија, Хода­вија и Јахдиел, мажи силни, мажи про­чуени, глави на родовите свои.

²⁵Но тие направија престап против Бога на татковците свои и почнаа да живеат блудно според боговите на на­родите во таа земја, кои Бог ги беше изгонил од пред лицето нивно,

²⁶тогаш Бог Израелов го поттикна духот на асирскиот цар Пул и духот на асирскиот цар Тилгат-Пилнесер, и тие ги преселија Рувимците и Гадов­ците и половината од племето Манасиево и ги одведоа во Хелах, Хавор и Хара и на реката Гозан, каде што се и до ден денешен.

²⁷Синови на Левиј беа: Гершом, Каат и Мерари.

²⁸Синови на Каат: Амрам, Јицхар, Хеврон и Узиил.

²⁹Синови на Амрам: Арон, Мојсеј и Мирјам. Синови на Арон: Надав, Авиуд, Елеазар и Итамар.

³⁰Елеазар го роди Финес. Финес го роди Авишуа.

³¹Авишуа го роди Буки, Буки го роди Озиј,

³²Озиј го роди Зараја, Зараја го роди Мериел.

³³Мариел го роди Амарија, Амарија го роди Ахитув.

³⁴Ахитув го роди Садок, Садок го роди Ахимаа.

³⁵Ахимаа го роди Азарија, Азарија го роди Јоанан.

³⁶Јоанан го роди Азарија, тој беше свештеник во домот во кој живееше Соломон во Ерусалим.

³⁷И Азарија го роди Амарија, Ама­рија го роди Ахитув.

³⁸Ахитув го роди Садок, а Садок го роди Селум.

³⁹Селум го роди Хелкија, а Хелкија го роди Азарија.

⁴⁰Азарија го роди Сераја, Сераја го роди Јоседек.

⁴¹А Јоседек отиде во пленство со Јуда и Ерусалим во рацете на Навуходо­носор.