1 Chronicles 12— 2006

¹Еве ги оние кои исто така дојдоа кај Давид во Циклаг, кога тој уште се криеше од Кисовиот син Саул; тие беа од јунаците, што помагаа во борбата,

²вооружени со лак, фрлаа со десната и со левата рака камења и пуштаа стрели со лак, беа од браќата Са­улови, од Венијаминовците;

³началник беше Ахиезер, по него Јоас, синови на Шемаја од Гива; Језиел и Пелет, синови Азмаветови; Бераха и Јуј од Анатот;

⁴Јишмаја од Гаваон, јунак од триесетмина и водач на триесетмината;

⁵Еремија, Јахазиел, Јоханан и Јозавад од Гедера;

⁶Елузај, Јеремот, Беалија, Шемарија, Цафатија од Харуфа;

⁷Елкана, Јишија, Азариил, Јоезер, и Јашовам, од Кореовците;

⁸и Јоила и Зевадија, синови на Јеро­хам од Гедор.

⁹Кај Давид во тврдината, во пустината дојдоа мажи јунаци, од Гадов­ците, воинствени, вооружени со штит и копје; лицата нивни — лица лавовски, брзи како елени в гора.

¹⁰Главен беше Езер, втор Авдија, трет — Елијав,

¹¹четврти Мишмана, петти — Еремија,

¹²шести — Атај, седми — Елиил,

¹³осми — Јоханан, деветти — Елзавад,

¹⁴десетти — Еремија, единаесетти — Махбанај.

¹⁵Тие, синовите Гадови, беа началници во војската: најмалиот над сто души, а најголемиот над илјада.

¹⁶Тие минаа преку Јордан во првиот месец, кога тој се излива од бреговите свои, и ги прогонија сите оние што жи­вееја во долините кон исток и кон запад.

¹⁷Исто така и синовите Венијаминови и Јудини дојдоа во тврдината кај Давид.

¹⁸Давид излезе да ги пресретне и им рече: „Ако сте дошле со мир кај мене, за да ми помагате, тогаш јас и вие да имаме едно срце; но, ако доаѓате за да ме предадете со заговор на непријателите мои, кога нема во рацете мои неправда, Бог на татковците наши нека види и нека суди.“

¹⁹И духот го поттикна Амасај, на­чалникот на триесеттемина, и тој рече: „Мир на тебе, Давиде, мир со тебе сине Јесеев! Мир на тебе, мир и на твоите помошници! Зашто твојот Бог ти помага.“ Тогаш Давид ги прими и ги постави на чело на војската.

²⁰И од Манасиевото племе преминаа некои кон Давид, кога војуваше со Филистејците против Саул. Но Давид не им помогна на Филистејците, зашто војводите филистејски, откако се посо­ветуваа, го испратија, велејќи: „За наше зло тој ќе побегне кај својот господар Саул.“

²¹Кога се враќаше Давид во Циклаг, прибегнаа кон него луѓето Манасиеви: Аднах, Јозавад, Михаил, Јозавад, Ели­јуј, Цилтај, илјадници кај Манасија.

²²Тие му помагаа на Давид против четите на Гедор, зашто сите беа мажи храбри и беа началници на војската.

²³Така секој ден придоаѓаа кај Давид на помош до толку, што неговата војска стана голема како војската Божја.

²⁴Еве го бројот на вооружените за бој началници, што дојдоа кај Давид во Хеврон, за да му го предадат царството Саулово, според словото Господово.

²⁵Од Јудините синови, копјеносци и штитоносци, имаше подготвени за војна шест илјади и осумстотини;

²⁶од синовите Симеонови, мажи храбри, имаше во војската седум илјади и сто;

²⁷од синовите Левиеви — четири илјади и шестотини;

²⁸дојде и Јодај, началник од Ароно­виот род, и со него три илјади и седумстотини;

²⁹и младиот Садок, храбар јунак, и родот негов — дваесет и двајца начал­ници;

³⁰од синовите Венијаминови, браќа­та Саулови, дојдоа три илјади; но уште многумина од нив му беа верни на Сауловиот дом;

³¹од синовите Ефремови — дваесет илјади и осумстотини храбри јунаци, мажи прочуени во родовите свои;

³²од половината од племето Мана­сиево — осумнаесет илјади, кои поиме­нично беа повикани, за да одат да го зацарат Давид;

³³од синовите Исахарови дојдоа мажи разумни, кои ги познаваа времињата и знаеја кога и што треба да изврши Из­раел; тие беа двесте началници, и сите браќа нивни беа под нивно заповедништво;

³⁴од племето Завулоново имаше го­тови за борба, вооружени со секак­ви воени оружја, педесет илјади, во строј, еднодушни;

³⁵од племето Нефталимово — илјада војводи и со нив триесет и седум илјади со штитови и копја;

³⁶од племето Даново — дваесет и осум илјади и шестотини, спремни за војна;

³⁷од Асир — четириесет илјади војници, подготвени за борба;

³⁸од онаа страна на Јордан, од племињата на Рувим и Гад и од другата по­ловина од племето Манасиево, сто и дваесет илјади, со секакво воено оружје.

³⁹Сите тие борци, наредени во строј, дојдоа со искрено срце во Хеврон, за да го зацарат Давид над целиот Израел. Па и сите други Израелци беа еднодуш­ни да го зацарат Давид.

⁴⁰И останаа таму кај Давид три дена, јадеа и пиеја, зашто браќата им беа подготвиле сѐ за нив;

⁴¹па и оние што беа поблиску до нив, дури до Исахаровото, Завулоно­вото и Нефталимовото племе, им до­несуваа на магариња, камили, маски и волови сѐ за јадење: брашно, смокви, суво грозје, ви­но и масло, како и многу ситен и крупен добиток, бидеј­ќи радоста беше голема за Израел.