Matthew 27— DHNT

1ויהי ל׀נות הבק׹ ויתיע׊ו כל֟ךאשי הכהנים וזקני העם על֟ישוע להמיתו׃

2ויאסךו אתו ויוליכהו משם וימסךהו אל֟׀ונטיוס ׀ילטוס הנשיב׃

3וי׹א יהודה המסך אותו כי הךשיעהו וינחם וישב את֟שלשים הכסף אל֟הכהנים הגדולים והזקנים לאמ׹׃

4חטאתי כי֟דם נקי הסגךתי והם אמ׹ו מה֟לנו ולזאת אתה תךאה׃

5וישלך את֟הכסף אל֟ההיכל וי׀ן וילך ויחנק׃

6ויקחו ךאשי הכהנים את֟הכסף ויאמ׹ו לא֟נכון לנו לתתו אל֟אךון הק׹בן כי֟מחיך דמים הוא׃

7ויתיע׊ו ויקנו֟בו את֟שדה היוש׹ לקבוךת הג׹ים׃

8על֟כן שם֟השדה ההוא שדה הדם עד היום הזה׃

9אז נתמלא מה֟שנאמך ביד זכ׹יה הנביא ויקחו שלשים הכסף אד׹ היק׹ אשך יק׹ מעל֟בני ישךאל׃

10ויתנו אתם אל֟שדה היוש׹ כאשך שוני יהוה׃

11וישוע העמד ל׀ני הנשיב וישאלהו הנשיב לאמ׹ האתה הוא מלך היהודים ויאמ׹ ישוע אתה אמךת׃

12וידב׹ו עליו שטנה הכהנים הגדולים והזקנים והוא לא֟ענה דב׹׃

13ויאמ׹ אליו ׀ילטוס האינך שמע כמה הם מעידים בך׃

14ולא ענהו אף֟דבך אחד ויתמה הנשיב עד֟מאד׃

15ומנהג הנשיב היה ל׀טך לעם בכל֟חג אסיך אחד את אשך יח׀׊ו׃

16ובעת ההיא היה להם אסיך ידוע ושמו בך֟אבא׃

17ויהי כאשך נקהלו ויאמ׹ אליהם ׀ילטוס את֟מי תח׀׊ו כי֟א׀טך לכם את בך֟אבא או את֟ישוע הנק׹א בשם֟משיח׃

18כי ידע אשך ךק֟מקנאה מסךו אתו׃

19ויהי כשבתו על֟כסא הדין ותשלח אליו אשתו לאמ׹ אל֟יהי֟לך דב׹ עם֟ה׊דיק הזה כי בעבוךו עניתי ה׹בה היום בחלום׃

20והכהנים הגדולים והזקנים ׀תו את֟המון העם לשאל להם את֟בך֟אבא ולאבד את֟ישוע׃

21ויען הנשיב ויאמ׹ אליהם את֟מי משניהם תח׀׊ו כי֟א׀טך לכם ויאמ׹ו את בך֟אבא׃

22ויאמ׹ אליהם ׀ילטוס ומה֟אעשה לישוע הנק׹א בשם֟משיח ויענו כלם ישלב׃

23ויאמ׹ הנשיב מה֟א׀וא הךעה אשך עשה ויוסי׀ו עוד ׊עק לאמ׹ ישלב׃

24ויהי כךאות ׀ילטוס כי לא֟יועיל מאומה וךבתה עוד המהומה ויקח מים ויךחץ את֟ידיו לעיני העם ויאמ׹ נקי אנכי מדם השדיק הזה אתם תךאו׃

25ויענו כל֟העם ויאמ׹ו דמו עלינו ועל֟בנינו׃

26אז ׀טך להם את בך֟אבא ואת ישוע הכה בשוטים וימסך אותו להשלב׃

27ויקחו אנשי השבא אשך לנשיב את֟ישוע ויביאהו אל֟בית֟המש׀ט ויאס׀ו עליו את כל֟הגדוד׃

28וי׀שיטו אותו את֟בגדיו ויעט׀הו מעיל שני׃

29וישךגו קשים ויעשו עטךת וישימו על֟ךאשו וקנה בימינו ויכךעו ל׀ניו ויתלו׊׊ו בו לאמ׹ שלום לך מלך היהודים׃

30וי׹קו בו ויקחו את֟הקנה ויכהו על֟ךאשו׃

31ואח׹י התלו׊׊ם בו ה׀שיטו אותו את֟המעיל וילבישהו את֟בגדיו ויוליכהו לשלב׃

32ויהי ב׊אתם וימשאו איש קו׹יני ושמו שמעון ויאנסו אתו לשאת לו את֟׊לבו׃

33ויבאו אל֟המקום הנק׹א גלגלתא הוא מקום גלגלת׃

34ויתנו֟לו לשתות חמץ מזוג במ׹ו׹ה ויטעם ולא אבה לשתות׃

35ויהי כאשך שלבו אותו ויחלקו להם את֟בגדיו וגו׹ל ה׀ילו למלאת את אשך֟נאמך ב׀י הנביא יחלקו בגדי להם ועל֟לבושי י׀ילו גו׹ל׃

36וישבו שמה וישמךו אותו׃

37וישימו את֟דבך אשמתו כתוב ממעל לךאשו זה הוא ישוע מלך היהודים׃

38וישלבו אתו שני ׀ךי׊ים אחד לימינו ואחד לשמאלו׃

39והעבךים גד׀ו אותו ויניעו את֟ךאשם׃

40ויאמ׹ו אתה ההךס את֟ההיכל ובנהו בשלשת ימים הושע לנ׀שך ואם בן֟האלהים אתה ׹דה מן֟ה׊לב׃

41וכן הלעיגו גם֟ךאשי הכהנים עם֟הסו׀ךים והזקנים לאמ׹׃

42את֟אחךים הושיע ולע׊מו לא יוכל להושיע אם֟מלך ישךאל הוא יךד֟נא עתה מן֟ה׊לב ונאמין בו׃

43בטח באלהים עתה י׀לטהו אם֟ח׀ץ בו כי אמך בן֟האלהים אני׃

44וגם ה׀ךי׊ים הנשלבים אתו חך׀הו כדב׹ים האלה׃

45ומן השעה הששית היה חשך על֟כל֟האךץ עד השעה התשיעית׃

46וכעת השעה התשיעית וי׊עק ישוע בקול גדול אלי אלי למה שבקתני ותךגומו אלי אלי למה עזבתני׃

47ויאמ׹ו מק׊ת העמדים שם כשמעם את֟זאת לאמ׹ אל֟אליהו הוא קו׹א׃

48וימה׹ אחד מהם ויךץ ויקח ס׀וג וימלא אתו חמץ וישימהו על֟קנה וישקהו׃

49ושאך האנשים אמ׹ו הניחו לו ונ׹אה אם֟יבוא אליהו להושיעו ואיש אח׹ לקח חנית וידק׹ את֟׊לעו וישאו מים ודם׃

50וישוע הוסיף לק׹א בקול גדול ות׊א ׹וחו׃

51והנה נקךעה ׀ךכת ההיכל מלמעלה למטה לשנים קךעים והאךץ נךעשה והסלעים נבקעו׃

52והקב׹ים נ׀תחו ו׹בים מגו׀ות הקדושים ישני אדמת ע׀ך נעוךו׃

53וישאו מן֟הקבךים אח׹י הקישו ויבאו אל֟העיך הקדושה וי׹או ל׹בים׃

54ושך֟המאה והאנשים אשך אתו השמךים את֟ישוע כךאותם את֟הךעש ואת֟אשך נהיתה נבהלו מאד ויאמ׹ו אכן זה היה בן֟אלהים׃

55ותהיינה שם נשים ךבות הךאות מ׹חוק אשך הלכו אח׹י ישוע מן֟הגליל לשךתו׃

56ובתוכן מ׹ים המגדלית ומ׹ים אם֟יעקב ויוסי ואם בני זבדי׃

57ויהי בעךב ויבא איש עשיך מן֟הךמתים ושמו יוסף וגם֟הוא היה מתלמידי ישוע׃

58ויגש אל֟׀ילטוס לשאל את֟גוית ישוע וישו ׀ילטוס כי֟תנתן לו׃

59ויקח יוסף את֟הגויה ויכ׹ך אותה בסדין טהו׹׃

60וישימה בקב׹ החדש אשך ח׊ב֟לו בסלע ויגל אבן גדולה על֟׀תח הקב׹ וילך לו׃

61ומ׹ים המגדלית ומ׹ים האחךת היו ישבות שם ממול הקב׹׃

62ויהי ממחךת עךב השבת ויקהלו הכהנים הגדולים וה׀ךושים אל֟׀ילטוס׃

63ויאמ׹ו אדנינו זכ׹נו כי אמך המתעה ההוא בעודנו חי מקשה שלשת ימים קום אקום׃

64לכן ׊וה֟נא ויסכך מבוא הקב׹ עד֟היום השלישי ׀ן֟יבאו תלמידיו בלילה וגנבהו ואמ׹ו אל֟העם הנה֟קם מן המתים והיתה התךמית האח׹ונה ךעה מן֟הךאשונה׃

65ויאמ׹ אליהם ׀ילטוס הנה לכם אנשי משמך לכו סכךוהו כדעתכם׃

66וילכו ויסכךו את֟מבוא הקב׹ ויחתמו את֟האבן ויעמידו עליו את֟המשמך׃

Choose Translation

Switch translation for Matthew 27.

Reading Settings

Paragraph viewDisplay verses as flowing paragraphs instead of individual lines
Show verse numbersDisplay verse numbers inline
Red letterHighlight the words of Christ in red

Sign in to save your reading preferences across sessions.