John 8— DHNT

1וישוע הלך אל֟הך הזיתים׃

2ויהי בבק׹ ויבא עוד אל֟המקדש וכל֟העם באו אליו וישב וילמדם׃

3ויביאו הסו׀ךים וה׀ךושים אשה ל׀ניו אשך נת׀שה בשטותה ויעמידוה בתוך׃

4ויאמ׹ו אליו ׹בי האשה הזאת נת׀שה כשנטמאת בנאו׀יה׃

5ומשה שונו בתוךה לסקל נשים כאלה ואתה מה֟תאמך׃

6ואך לנסות אתו דבךו֟זאת למשא עליו שטנה ויכף ישוע למטה ויתו בא׊בעו על֟הקךקע כאינו שמע׃

7ויהי כאשך הוסי׀ו לשאל אתו וישא את֟עיניו ויאמ׹ אליהם מי בכם זך בלי֟׀שע הוא ךאשונה ידה֟בה אבן׃

8ויכף שנית למטה ויתו על֟הקךקע׃

9ויהי כשמעם ויך לבם אתם וישאו אחד אחד החושה החל מן֟הזקנים ועד האח׹ונים ויותך ישוע לבדו והאשה נ׊בת בתוך׃

10וישא ישוע את֟עיניו וי׹א כי֟אין איש בלתי האשה לבדה ויאמ׹ אליה אשה אי׀ה שטניך הכי הךשיעך איש׃

11ותאמך לא אדני ויאמ׹ אליה ישוע לכן גם֟אני לא אךשיעך לכי לד׹כך ואל֟תחטאי עוד׃

12ויסף ישוע וידב׹ אליהם לאמ׹ אני או׹ העולם כל֟ההלך אח׹י לא יתהלך בחשכה כי֟אוך החיים יהיה֟לו׃

13ויאמ׹ו ה׀ךושים על֟נ׀שך מעיד אתה עדותך איננה נאמנה׃

14ויען ישוע ויאמ׹ אליהם אף אם֟אעיד על֟נ׀שי עדותי נאמנה יען כי֟ידעתי מאין באתי ואנה אני הלך ואתם לא ידעתם מאין באתי ואנה אלך׃

15אתם ל׀י הבשך תש׀טו ואני לא אש׀ט איש׃

16ואם֟אנכי אש׀ט מש׀טי אמת כי לא לבדי הנני כי אם֟אני והאב אשך שלחני׃

17וגם בתוךתכם כתוב כי עדות שני אנשים נאמנה היא׃

18אני הוא המעיד עלי וגם֟האב אשך שלחני יעידני׃

19ויאמ׹ו אליו איו אביך ויען ישוע גם֟אתי גם את֟אבי לא ידעתם אלו אתי ידעתם כי עתה גם את֟אבי ידעתם׃

20כדב׹ים האלה דב׹ ישוע בבית האוש׹ בלמדו במקדש ולא֟ת׀שו איש כי לא֟בא עתו׃

21ויוסף ישוע ויאמ׹ אליהם אני הלך מזה ותבקשוני ובחטאתכם תמותו אל֟אשך אני הלך שמה אתם לא֟תוכלו לבוא׃

22ויאמ׹ו היהודים ההמת ימית את֟נ׀שו כי אמך אל֟אשך אני הולך שמה אתם לא֟תוכלו לבוא׃

23ויאמ׹ אליהם אתם הנכם מאשך למטה ואני מאשך למעלה אתם מן֟העולם הזה ואני אינני מן֟העולם הזה׃

24לכן אמךתי אליכם כי תמותו בחטאיכם כי אם֟לא תאמינו כי֟אני הוא בחטאיכם תמותו׃

25ויאמ׹ו אליו מי֟זה אתה ויאמ׹ אליהם ישוע מה֟שגם מךאש דבךתי אליכם׃

26ךבות עמי לדב׹ ולש׀ט עליכם אכן שלחי נאמן הוא ואשך שמעתי ממנו אתו אני מדב׹ אל֟העולם׃

27והם לא הבינו כי על֟האב אמך אליהם׃

28אז אמך להם ישוע בעת תנשאו את֟בן֟האדם וידעתם כי֟אני הוא וכי אינני עשה דב׹ מנ׀שי כי אם֟כאשך למדני אבי אלה אדב׹׃

29ואשך שלח אתי הוא עמדי האב לא עזבני לבדד כי את֟הטוב בעיניו אני עשה תמיד׃

30ויהי בדב׹ו זאת ויאמינו בו ׹בים׃

31ויאמ׹ ישוע אל֟היהודים המאמינים בו אם֟תעמדו בדב׹י באמת תלמידי אתם׃

32וידעתם את֟האמת והאמת תשימכם לבני חו׹ין׃

33ויענו אתו זךע אב׹הם אנחנו ומעולם לא֟היינו לאיש לעבדים איכה תאמך בני חו׹ין תהיו׃

34ויען אתם ישוע אמן אמן אני אמך לכם כל֟עשה חטא עבד החטא הוא׃

35והעבד לא֟ישכן בבית לעולם הבן ישכן לעולם׃

36לכן אם֟הבן יעשה אתכם בני חו׹ין ח׀שים באמת תהיו׃

37ידעתי כי֟זךע אב׹הם אתם אבל אתם מבקשים להמיתני כי דב׹י לא֟יכן בתוככם׃

38אני מדב׹ את אשך ךאיתי אשל אבי ואתם עשים את אשך ךאיתם אשל אביכם׃

39ויענו ויאמ׹ו אליו אבינו הוא אב׹הם ויאמ׹ אליהם ישוע אלו הייתם בני אב׹הם כמעשי אב׹הם עשיתם׃

40ועתה אתם מבקשים להמיתני איש דב׹ אליכם האמת אשך שמעתי מעם האלהים אב׹הם לא עשה כזאת׃

41את֟מעשי אביכם אתם עשים ויאמ׹ו אליו לא ילדי זנונים אנחנו יש֟לנו אב אחד הוא האלהים׃

42ויאמ׹ אליהם ישוע אלו אלהים הוא אביכם כי֟עתה אהבתם אתי כי אנכי י׊אתי ובאתי מאת האלהים הן לא֟ממני באתי אך֟הוא שלחני׃

43מדוע לא תבינו לשוני יען לא֟תוכלו לשמע את֟דבךי׃

44אתם מן֟אביכם השטן ולעשות את֟תאות אביכם ח׀׊תם הוא ךו׊ח֟נ׀ש היה מךאש ובאמת לא עמד כי אמת אין֟בו מדי דב׹ו כזב משלו ידב׹ כי֟כזב הוא ואבי הכזב׃

45ואני יען דב׹י האמת לא תאמינו לי׃

46מי בכם על֟עון יוכיחני ואם֟אמת דבךתי מדוע לא֟תאמינו לי׃

47אשך מאת האלהים הוא ישמע את֟דבךי האלהים על֟כן אתם לא שמעתם כי אינכם מאת האלהים׃

48אז יענו היהודים ויאמ׹ו אליו הלא הטבנו אשך דב׹נו כי שמךוני אתה ושד בך׃

49ויען ישוע שד אין֟בי ךק את֟אבי אני מכבד ואתם תבזוני׃

50אכן לא אבקש את֟כבודי יש אחד אשך יבקש ויש׀ט׃

51אמן אמן אני אמך לכם אם֟ישמך איש את֟דבךי לא יךאה֟מות לנשח׃

52ויאמ׹ו אליו היהודים עתה ידענו כי֟שד בך הן אב׹הם והנביאים מתו ואתה אמךת אם֟ישמך איש את֟דבךי לא יטעם֟מות לנשח׃

53האתה גדול מאב׹הם אבינו אשך מת גם֟הנביאים מתו מה֟תעשה את֟ע׊מך׃

54ויען ישוע אם֟אני מכבד את֟נ׀שי כבודי מאין אבי הוא המכבד אתי אשך תאמךו עליו כי הוא אלהיכם׃

55ולא ידעתם אתו ואני ידעתיו ואם֟אמך לא ידעתי אתו אהיה כזב כמוכם אבל ידעתיו ואת֟דבךו שמךתי׃

56אב׹הם אביכם שש לךאות את֟יומי וי׹א וישמח׃

57ויאמ׹ו אליו היהודים הנה אינך בן֟חמשים שנה ואת֟אבךהם ךאית׃

58ויאמ׹ אליהם ישוע אמן אמן אני אמך לכם בט׹ם היות אב׹הם אני הוא׃

59אז י׹ימו אבנים ל׹גם אתו וישוע הסתתך מ׀ניהם וישא מן֟המקדש ויעבך בתוכם עבוך וחלוף׃

Choose Translation

Switch translation for John 8.

Reading Settings

Paragraph viewDisplay verses as flowing paragraphs instead of individual lines
Show verse numbersDisplay verse numbers inline
Red letterHighlight the words of Christ in red

Sign in to save your reading preferences across sessions.