1את אשר היה מראש אשר שמענו ובעינינו ראינו אשר הבטנו ואשר מששו ידינו על־דבר החיים׃
2והחיים נגלו ונרא ומעידים אנחנו ומודיעים לכם את־חיי העולם אשר היו עם־האב ונגלו לנו׃
3את אשר ראינו ושמענו נודיעה לכם למען תתחברו לנו גם־אתם והתחברותנו היא עם־האב ועם־בנו ישוע המשיח׃
4ואת־זאת כתבים אנחנו לכם למען תהיה שמחתכם שלמה׃
5וזאת היא השמועה אשר שמענו ממנו ונגד לכם כי האלהים אור הוא וכל־חשך אין בו׃
6אם־נאמר כי יש־לנו התחברות עמו ונתהלך בחשך הננו כזבים ופעלתנו איננה אמת׃
7אך אם־באור נלך כאשר הוא באור הנה נתחברנו יחד ודם־ישוע המשיח בנו יטהרנו מכל־חטא׃
8אם־נאמר כי אין־בנו חטא הננו מתעים את־נפשתינו והאמת אין בנו׃
9ואם־נתודה את־חטאתינו נאמן הוא וצדיק לסלח לנו את־חטאתינו ולטהרנו מכל־עון׃
10ואם־נאמר כי לא חטאנו לכזב נשימנו ודברו אין בנו׃