Bible

1 Алілуя. Шчасны чалавек, які шануе Госпада, які вельмі любіць прыказанні Яго. 2 Магутным будзе на зямлі патомства яго. Дабраславёным будзе пакаленне справядлівых. 3 Слава і багацце ў яго доме, і справядлівасць яго трывае на векі вечныя. 4 Узышло ў цемры святло для справядлівых, Ён спагадны, і міласэрны, і справядлівы. 5 Мілы той чалавек, які літуецца і пазычае, які кіруе справамі сваімі справядліва, 6 бо не пахіснецца ён вечна; справядлівы будзе ў вечнай памяці. 7 Не будзе ён баяцца ліхой чуткі, сэрца яго гатовае, мае надзею ў Богу. 8 Умацована сэрца яго, не будзе баяцца, калі з пагардаю гляне на непрыяцеляў сваіх. 9 Падзяліў ён, даў бедным; справядлівасць яго трывае ў векі вечныя, рог яго ўзвысіцца ў славе. 10 Убачыць грэшнік і разгневаецца, будзе скрыгатаць зубамі сваімі і марнець. Жаданне грэшнікаў не здзейсніцца.