Bible

1 Алілуя. Буду вызнаваць я Госпада ўсім сэрцам маім, на сабранні справядлівых і на сходзе. 2 Вялікія ёсць справы Госпадавы, вартыя вывучэння ўсімі, каму яны падабаюцца. 3 Аздоба і велічнасць — справа Яго, а справядлівасць Яго трывае на векі вечныя. 4 Памятнымі зрабіў Ён цуды Свае, міласэрны і спагадны Госпад. 5 Даў есці тым, якія шануюць Яго; памятаць будзе век пра Свой запавет. 6 Магуцце спраў Сваіх абвясціў Ён Свайму народу, каб даць ім спадчыну паганаў. 7 Справы рук Яго — праўда і суд, верныя ўсе Яго прыказанні, 8 замацаваныя на векі вечныя, учыненыя ў праўдзе і справядлівасці. 9 Паслаў Ён адкупленне народу Свайму, пастанавіў навечна запавет Свой, святое і шаноўнае імя Яго. 10 Пачатак мудрасці — пашана да Госпада, добры розум ва ўсіх, хто гэта чыніць; Хвала Яго трывае на векі вечныя.