Nehemiah 11— 2020

¹Abaholi babantu bahlala eJerusalema; abantu abaseleyo benza unkatho, bakhetha oyedwa kwabalishumi ukuba ayohlala eJerusalema, umuzi ongcwele, nabayisishiyagalolunye emizini yakubo.

²Abantu babusisa bonke abantu abazinikela ukuhlala eJerusalema.

³Nazi izinhloko zezifundazwe ezazihlala eJerusalema, kodwa emizini yakwaJuda bonke babehlala ezindaweni zabo: abakwa-Israyeli, abaphristi, abaLevi, izisebenzi zasethempelini, nabozalo lwezinceku zikaSolomoni.

⁴EJerusalema kwakuhlala abathile bakwaJuda nabakwaBhenjamini: ozalweni lukaJuda: ngu-Athaya ka-Uziya, kaZakhariya, ka-Amariya, kaShefathiya, kaMahalalele wozalo lukaPherezi;

⁵noMahaseya kaBharukhi, kaKholi Hoze, kaHazaya, ka-Adaya, kaJoyaribhi, kaZakhariya, indodana yomShiloni.

⁶Bonke abozalo lukaPherezi ababehlala eJerusalema kwakungamadoda anamandla angama-468.

⁷Abozalo lukaBhenjamini: nguSalu kaMeshulamu, kaJohedi, kaPhedaya, kaKolaya, kaMahaseya, ka-Ithiyeli, kaJeshaya.

⁸Emva kwakhe: nguGabhayi noSalayi, bengama-928.

⁹UJoweli, indodana kaZikhiri, wayengumphathi wabo, uJuda, indodana kaHasenuwa, wayephethe ingxenye entsha yomuzi.

¹⁰Kubaphristi: nguJedaya, indodana kaJoyaribhi, uJakhini,

¹¹noSeraya kaHilikiya, kaMeshulamu, kaZadoki, kaMerayothi, ka-Ahithubi, umphathi wendlu kaNkulunkulu;

¹²nabafowabo abaqhubeka benza umsebenzi wasethempelini, bengamadoda angama-822, no-Adaya kaJerohamu, kaPhelaliya, ka-Amizi, kaZakhariya, kaPhashuri, kaMalikhiya;

¹³nabafowabo ababeyizinhloko zemindeni, bengamadoda angama-242, no-Amashisayi ka-Azareli, ka-Ahizayi, kaMeshilemothi, ka-Imeri;

¹⁴nabafowabo, amaqhawe anamandla ayeyi-128. Umphathi wabo omkhulu kwakunguZabhidiyeli, indodana kaHagedolimi.

¹⁵KubaLevi: uShemaya kaHashubhi, ka-Azirikamu, kaHashabhiya, kaBhuni;

¹⁶uShabhethayi noJozabhadi beyizinhloko zabaLevi ababephethe umsebenzi wangaphandle wendlu kaNkulunkulu,

¹⁷noMathaniya kaMikha, kaZabhidi, ka-Asafa, induna yomkhuleko wokubonga, noBhakibhukiya, owesibili phakathi kwabafowabo, no-Abhida kaShamuwa kaGalali kaJeduthuni.

¹⁸Bonke abaLevi abasemzini ongcwele babengama-284.

¹⁹Abalindisango: ngu-Akubhi, uThalimoni, nabafowabo ababelinda ngasemasangweni, babeyi-172.

²⁰Abakwa-Israyeli abaseleyo, abaphristi nabaLevi, babekuyo yonke imizi yakwaJuda, yilowo endaweni eyifa lakhe.

²¹Izisebenzi zasethempelini ezazihlala e-Ofeli, nguZiha noGishipha yibona ababeziphethe.

²²Umphathi wabaLevi eJerusalema kwakungu-Uzi kaBhani, kaHashabhiya, kaMathaniya, kaMikha wabozalo luka-Asafa, abaculi, ephethe umsebenzi wendlu kaNkulunkulu.

²³Abaculi babephethwe ngumyalelo wenkosi owawuqondisa abakwenzayo nsuku zonke.

²⁴UPhethahiya, indodana kaMeshezabheli, wabozalo lukaZera, indodana kaJuda, wayemele inkosi ezindabeni zonke eziphathelene nabantu.

²⁵Maqondana nemizana namasimu ayo, kwahlala abanye abantu bakwaJuda: eKiriyathi Arbha nasemizaneni yalo, eDibhoni nasemizaneni yalo, eJekabhizeyeli nasemizaneni yalo,

²⁶eJeshuwa, eMolada, eBhethi Phelethi,

²⁷eHazari Shuwali, eBheri Sheba nasemizaneni yalo,

²⁸eZikilagi, eMekhona nasemizaneni yalo,

²⁹e-Eni Rimoni, eZora, eJarimuthi,

³⁰eZanowa, e-Adulamu nasemizaneni yawo, eLakhishi namasimu alo, e-Azeka nasemizaneni yalo. Bamisa kusukela eBheri Sheba kuze kube sesigodini SikaHinomu.

³¹Abozalo lukaBhenjamini, kusukela eGebha, bahlala eMikhimashi, e-Ayi, eBhethele nasemizaneni yalo,

³²e-Anathothi, eNobhi, e-Ananiya,

³³eHazori, eRama, eGithayimi,

³⁴eHadidi, eZebhoyimi, eNebhalathi,

³⁵eLodi nase-Ono, iSigodi Sababazi.

³⁶Elinye iqembu labaLevi bakwaJuda lahlala kwaBhenjamini.