Joshua 12— 2020

¹Nanka amakhosi ezwe u-Israyeli awanqoba, amazwe awo ahlala kuwo kusukela ngaphesheya kweJordani kuya empumalanga, kusukela esigodini i-Arinoni kuya entabeni iHermoni, nalo lonke i-Araba ngasempumalanga:

²inkosi uSihoni wama-Amori owayehlala eHeshibhoni, ebusa kusukela e-Aroweri elisonqenqemeni lwesigodi i-Arinoni, naphakathi nesigodi, kuze kufike emfuleni iJabhoki, umngcele wama-Amoni okungukuthi yingxenye kwaGileyadi,

³ne-Araba kuya olwandle iKhinerethi, kuya oLwandle i-Araba, nasoLwandle Lukasawoti ngasempumalanga, endleleni eya eBhethi Jeshimothi eningizimu phansi kwemithambeka iPhisiga,

⁴nenkosi u-Ogi waseBhashani, owayengomunye wamaRefa okugcina owahlala e-Ashitharothi nase-Edreyi,

⁵ebusa phezu kwentaba iHermoni, eSalekha, nakulo lonke iBhashani kuze kufike emngceleni wamaGeshuri nowaMahakhathi, nengxenye kwaGileyadi kuya emngceleni kaSihoni inkosi yaseHeshibhoni.

⁶UMose, inceku kaSimakade, nabakwa-Israyeli babanqoba; uMose, inceku kaSimakade, walinikeza izwe abakwaRubeni, nabakwaGadi, nengxenye yesizwe sakwaManase, laba yifa labo.

⁷Lawa ngamakhosi ezwe anqotshwa nguJoshuwa nabakwa-Israyeli entshonalanga yeJordani, kusuka eBhali Gadi esigodini iLebhanoni kuya entabeni iHalakhi ekuphakama kwayo kubheke eSeyiri, uJoshuwa wanikeza izizwana zakwa-Israyeli izwe labo laba yifa lazo njengokwabelwa kwazo,

⁸elisezintabeni, emathafeni, elise-Araba, elemithambeka, elisehlane, naseNegevu, izwe lamaHithi, elama-Amori, elamaKhanani, elamaPherizi, elamaHivi, nelamaJebusi:

⁹inkosi yaseJerikho: iyodwa; inkosi yase-Ayi eliseduze kweBhethele: iyodwa;

¹⁰inkosi yaseJerusalema: iyodwa; inkosi yaseHebhroni: iyodwa;

¹¹inkosi yaseJarimuthi: iyodwa; inkosi yaseLakhishi: iyodwa;

¹²inkosi yase-Egiloni: iyodwa; inkosi yaseGezeri: iyodwa;

¹³inkosi yaseDebhiri: iyodwa; inkosi yaseGederi: iyodwa;

¹⁴inkosi yaseHorma: iyodwa; inkosi yase-Aradi: iyodwa;

¹⁵inkosi yaseLibhina: iyodwa; inkosi yase-Adulamu: iyodwa;

¹⁶inkosi yaseMakheda: iyodwa; inkosi yaseBhethele: iyodwa;

¹⁷inkosi yaseThaphuwa: iyodwa; inkosi yaseHeferi: iyodwa;

¹⁸inkosi yase-Afekhi: iyodwa; inkosi yaseLasharoni: iyodwa;

¹⁹inkosi yaseMadoni: iyodwa; inkosi yaseHazori: iyodwa;

²⁰inkosi yaseShimroni Meroni: iyodwa; inkosi yase-Akhishafi: iyodwa;

²¹inkosi yaseThanakhi: iyodwa; inkosi yaseMegido: iyodwa;

²²inkosi yaseKedeshi: iyodwa; inkosi yaseJokhineyami eKharmeli: iyodwa;

²³inkosi yaseDori egqumeni laseDori: iyodwa; inkosi yaseGoyimi eseGalile: iyodwa;

²⁴nenkosi yaseThiriza: iyodwa; esewonke amakhosi ayengama-31.