Genesis 5— 2020

¹Nantu uhla lozalo luka-Adamu. Ngesikhathi uNkulunkulu edala umuntu wamenza wanjengaye.

²Wadala owesilisa nowesifazane, wababusisa, wababiza ngokuthi ngabantu ngosuku abadala ngalo.

³Kuthe lapho u-Adamu eseqede iminyaka eyi-130, wazala indodana eyayifana naye, wayiqamba igama wathi nguSethi.

⁴Esezelwe uSethi, u-Adamu waphila iminyaka engama-800, waphinde wazala amadodana namadodakazi.

⁵Isiyonke iminyaka eyaphilwa ngu-Adamu yaba ngama-930, wayesefa.

⁶Kwathi uSethi eseneminyaka eyi-105, wazala u-Enoshe.

⁷Esezelwe u-Enoshe, uSethi waphila iminyaka engama-807 emva kokuzalwa kuka-Enoshe, waphinde wazala amadodana namadodakazi.

⁸Isiyonke iminyaka eyaphilwa nguSethi yaba ngama-912, wayesefa.

⁹Kwathi u-Enoshe eseneminyaka engama-90, wazala uKhenani.

¹⁰Esezelwe uKhenani, u-Enoshe waphila iminyaka engama-815, waphinde wazala amadodana namadodakazi.

¹¹Isiyonke iminyaka eyaphilwa ngu-Enoshe yaba ngama-905, wayesefa.

¹²Kwathi uKhenani eseneminyaka engama-70, wazala uMahalaleli.

¹³Esezelwe uMahalaleli, uKhenani waphila iminyaka engama-840, waphinde wazala amadodana namadodakazi.

¹⁴Isiyonke iminyaka eyaphilwa nguKhenani yaba ngama-910, wayesefa.

¹⁵Kwathi uMahalaleli eseneminyaka engama-65, wazala uJaredi.

¹⁶Esezelwe uJaredi, uMahalaleli waphila iminyaka engama-830, waphinde wazala amadodana namadodakazi.

¹⁷Isiyonke iminyaka eyaphilwa nguMahalaleli yaba ngama-895, wayesefa.

¹⁸Kwathi uJaredi eseneminyaka eyi-162, wazala u-Enokhi.

¹⁹Esezelwe u-Enokhi, uJaredi waphila iminyaka engama-800, waphinde wazala amadodana namadodakazi.

²⁰Isiyonke iminyaka eyaphilwa nguJaredi yaba ngama-962, wayesefa.

²¹Kwathi u-Enokhi eseneminyaka engama-65, wazala uMethusela.

²²Esezelwe uMethusela, u-Enokhi waphila iminyaka engama-300 ehamba noNkulunkulu, waphinde wazala amadodana namadodakazi.

²³Isiyonke iminyaka eyaphilwa ngu-Enokhi yaba ngama-365.

²⁴U-Enokhi wayehamba noNkulunkulu. Wanyamalala, ngokuba uNkulunkulu wamthabatha.

²⁵Kwathi uMethusela eseneminyaka eyi-187, wazala uLameki.

²⁶Esezelwe uLameki, uMethusela waphila iminyaka engama-782, waphinde wazala amadodana namadodakazi.

²⁷Isiyonke iminyaka eyaphilwa nguMethusela yaba ngama-969, wayesefa.

²⁸Kwathi uLameki eseneminyaka eyi-182, wazala indodana.

²⁹Wayiqamba igama wathi nguNowa, ethi: “Lo nguyena ozosiphumuza emsebenzini wethu nasemshikashikeni wezandla zethu emhlabathini awuqalekisa uSimakade.”

³⁰Esezelwe uNowa, uLameki waphila iminyaka engama-595, waphinde wazala amadodana namadodakazi.

³¹Isiyonke iminyaka eyaphilwa nguLameki yaba ngama-777, wayesefa.

³²Kwathi uNowa eseneminyaka engama-500, wazala uShemu, uHamu, noJafethi.