Bible

1 上主在聖山頂建造自家个城。 2 佢對耶路撒冷个痛惜，贏過以色列別个城市。 3 上帝个城啊，請聽佢所講，關係你該兜光榮个事情： 4 「𠊎愛將埃及㧯巴比倫記在順服𠊎个名單中；非利士人、泰爾人㧯古實人，𠊎愛算佢等做耶路撒冷人。」 5 論到錫安，愛恁樣講：「萬國愛做它个公民」；因為至高者愛使它強盛。 6 上主愛登記萬民个戶口，算佢等做耶路撒冷个公民。 7 佢等攏總會跳舞唱歌，講：「𠊎等幸福个泉源在錫安！」