Bible

1 上帝啊，求你因為你个名拯救𠊎；求你用你个大能為𠊎伸冤。 2 上帝啊，求你聽𠊎个祈禱；求你側耳來聽𠊎个懇求。 3 生份人愛攻擊𠊎；強暴人愛殺害𠊎。佢等眼中無上帝。 4 其實，上帝係𠊎个幫助；主扶持𠊎个生命。 5 願上帝報應𠊎个敵人所做个壞事；主啊，求你照自家个信實消滅佢等。 6 上主啊，𠊎愛甘心樂意獻祭給你；𠊎愛感謝你，因為你係至善。 7 上主已經救𠊎脫離一切患難；𠊎親眼看到仇敵失敗。