Bible

1 上主啊，麼人做得入你个聖殿？麼人做得住在你个聖山？ 2 就係行為正直，做事公義个人。佢講話誠實，心口合一， 3 舌乸也毋會譭謗別人。佢毋會壞款待朋友，毋會生話中傷鄰舍。 4 佢藐視犯罪作惡个，尊重敬畏上主个人。佢遵守自家所發个誓，因為恁樣食虧也甘願。 5 佢借錢給人，毋收人个利息；毋被人收買來害無罪个人。行這兜事个人永遠企在在。