Bible

1 以色列啊，你講看仔；從細，仇敵樣般迫害你。 2 「從細，仇敵迫害𠊎盡厲害，總係，佢等並無得到勝利。 3 佢等在𠊎个背囊留下盡深个傷口，像犁田个人所犁出來長長个泥溝。 4 總係，公義个上主透放𠊎；佢將捆等𠊎个索仔斬斷。」 5 願該兜恨錫安个人，全部堵到見笑退走。 6 願佢等像屋頂个草，還吂大就燥掉， 7 毋罅俾割草个人揢一揢，就係捆起來也無一捆。 8 路過个人連一個也毋會講：「願上主賜个福氣臨到你等！𠊎等奉上主个名祝福你等！」