Bible

1 第二朝晨，約書亞㧯所有个以色列人打早離開什亭，來到約旦河，在該位安營，等過河。 2 三日後，人民該兜領袖到營中逐所在去， 3 吩咐人民講：「你等看到利未支族該兜祭司扛上主—你等上帝个約櫃前進个時，你等就愛徙營，跈約櫃前進。 4 你等吂識去過這地方，所以佢等會在頭前帶路。總係你等毋好行忒近約櫃，愛跈在約櫃後背，保持大約一公里遠。」 5 約書亞吩咐人民：「你等愛潔淨自家，因為天光日上主愛在你等當中行神蹟。」 6 然後約書亞吩咐該兜祭司：「你等愛將約櫃扛起來，行在人民頭前。」佢等就照恁樣去做。 7 上主對約書亞講：「對今晡日開始，𠊎愛使所有个以色列人民尊你做大領袖。佢等會看出𠊎㧯你共下，像以前𠊎㧯摩西共下一樣。 8 你愛吩咐扛約櫃該兜祭司：『你等到約旦河滣个時，就愛行入河壩肚企等。』」 9 所以約書亞對以色列人民講：「來啊！來聽上主—你等上帝个話。 12 這下，你等愛對以色列十二支族當中各支族選出一儕，一共十二儕。 13 該兜祭司扛全世界个主宰—上主个約櫃踏到水个時，約旦河个水會停止流動。上游流下來个水會集在一個地方，成做一隻大陂頭。」 16 河壩水就停止流動：上游个水在撒拉旦附近个亞當城就集做一下，成做一隻大陂頭；下游流入死海个水完全切斷。所以民眾對耶利哥對面附近過去。 17 該兜祭司扛等上主个約櫃，企住在約旦河中央个燥地，等以色列民眾行等過燥地，直到所有个國民全部過約旦河。