1約瑟後代所分到个土地：南部邊界對偎近耶利哥个約旦河起，就係耶利哥泉水个東片開始，經過曠野；又對耶利哥上到伯特利山區，
2又對伯特利到路斯，通到亞基人住个亞他錄‧亞達，
3向西到押利提人个地區，一直到下伯‧和崙，又對該位到基色，直到地中海為止。
4約瑟个後代—以法蓮㧯西瑪拿西支族分到這垤土地，做佢等个產業。
5以法蓮該兜家族个地界記在下背：南片係對亞他錄‧亞達向西到上伯‧和崙，
6透到地中海；北片係密米他；東片个地界對他納‧示羅透到雅挪哈東部，
7然後向南，對雅挪哈到亞他錄㧯拿拉，再經過耶利哥，到約旦河為止。
8西片个地界對他普亞經過加拿河，到地中海為止。以上係以法蓮支族該兜家族所分到个產業。
9另外，在瑪拿西境內有兜城鎮，連同附近个村莊也分給以法蓮人。
10以法蓮人無將住在基色个迦南人逐走，所以迦南人住在以法蓮人當中，佢等做以法蓮人个奴才直到今晡日。