Genesis 5
1 這係亞當後代个族譜。(上帝創造人个時，係照上帝个樣式造佢。
2 佢創造佢等，有男有女。佢等受造个時，上帝賜福給佢等，將佢等安做「人」。)
3 亞當一百三十歲个時，𫱔一個孻仔，形像、樣式㧯佢自家盡相像，就㧯佢安到塞特。
4 亞當𫱔塞特以後，還在世八百年，又生養子女。
5 亞當食到九百三十歲正過身。
6 塞特一百零五歲个時，𫱔以挪士。
7 塞特𫱔以挪士以後，還在世八百零七年，又生養子女。
8 塞特食到九百一十二歲正過身。
9 以挪士九十歲个時，𫱔該南。
10 以挪士𫱔該南以後，還在世八百一十五年，又生養子女。
11 以挪士食到九百零五歲正過身。
12 該南七十歲个時，𫱔瑪勒列。
13 該南𫱔瑪勒列以後，還在世八百四十年，又生養子女。
14 該南食到九百一十歲正過身。
15 瑪勒列六十五歲个時，𫱔雅列。
16 瑪勒列𫱔雅列以後，還在世八百三十年，又生養子女。
17 瑪勒列食到八百九十五歲正過身。
18 雅列一百六十二歲个時，𫱔以諾。
19 雅列𫱔以諾以後，還在世八百年，又生養子女。
20 雅列食到九百六十二歲正過身。
21 以諾六十五歲个時，𫱔瑪土撒拉。
22 以諾𫱔瑪土撒拉以後，㧯上帝同行三百年，又生養子女。
23 以諾在世食到三百六十五歲。
24 以諾㧯上帝共下行，以後上帝將佢帶走，佢就無在了。
25 瑪土撒拉一百八十七歲个時，𫱔拉麥。
26 瑪土撒拉𫱔拉麥以後，還在世七百八十二年，又生養子女。
27 瑪土撒拉食到九百六十九歲正過身。
28 拉麥一百八十二歲个時，𫱔一個孻仔，
29 㧯佢安到挪亞，講：「因為上主咒詛土地，俾𠊎等勞碌耕種，這個孻仔會俾𠊎等在辛苦中得到安慰。」
30 拉麥𫱔挪亞以後，還在世五百九十五年，又生養子女。
31 拉麥食到七百七十七歲正過身。
32 挪亞五百歲个時，𫱔閃、含㧯雅弗。