Bible

1 盡多流亡个人轉到耶路撒冷㧯猶大，到自家个家鄉。自從巴比倫王尼布甲尼撒將佢等捉去，佢等家族个人一直流亡在巴比倫。 2 佢等當中个領袖有：所羅巴伯、耶書亞、尼希米、西萊雅、利來雅、末底改、必珊、米斯拔、比革瓦伊、利宏㧯巴拿。以下係以色列逐宗族流亡轉來个人數統計： 58 聖殿工人个後代㧯所羅門僕人个後代，對流亡轉來个人數總共有三百九十二儕。 63 猶太人个省長㧯佢等講，做毋得食獻給上帝个食物，直到有祭司用烏陵㧯土明解決這疑問。 68 當這兜流亡个人到耶路撒冷上主聖殿个時，有兜族長獻甘心祭，愛在老地方重起上帝个聖殿。 69 佢等照力量為這工作奉獻，總共有金仔五百公斤，銀仔兩千八百公斤，還有一百領給祭司个禮服。 70 祭司、利未人，㧯一部份人民住在耶路撒冷㧯附近个所在；歌手、聖殿守衛，㧯聖殿工人住在耶路撒冷附近个城肚；其他个以色列人全部住自家个家鄉。