1所羅門王喊人鑄造一隻銅祭壇，九公尺四方，高四公尺半。
2佢也鑄造一隻圓个銅海，深兩公尺兩公寸，對這片到該片四公尺四公寸，周圍十三公尺兩公寸。
3銅海邊堘个外背有兩排雕刻，一排在頂高，一排在下背，刻做牛牯个樣式。這兜銅牛㧯銅海全部係用歸垤銅鑄造个。
4銅海安在十二隻銅牛背囊頂，牛頭向外，三隻向東，三隻向西，三隻向南，三隻向北。
5銅海賁七公分半，邊堘像杯仔个邊堘，刻有百合花个花瓣。銅海做得裝六萬公升。
6佢又鑄造十隻銅盆，五隻放在聖殿南片，另外五隻放在北片。這兜銅盆係用來洗燒化祭个東西。銅海个水係俾祭司用來洗个。
9佢為祭司起內院，也起外院。兩院中間个門全部包銅。
10銅海放在聖殿个東南角。
17這兜東西全部係照王个命令，在約旦平原、疏割㧯撒拉旦中央个鑄造場鑄造个。
18因為這兜銅器當多，無人算過到底用掉幾多銅。
19所羅門又喊人為上帝个聖殿製造逐種金器：有金壇㧯擺設供餅个桌仔；
20放在至聖所頭前照明用个純金燈㧯燈臺；
21純金花、燈、火鉗；
22純金燈心剪刀、碗、放香个碟仔、㧯裝火炭个盆仔。這兜用品全部係用純金製造个。聖殿外背个門㧯至聖所个門全部包金仔。