Bible

1 上主掌權！萬民愛愊愊掣！佢坐在基路伯寶座上，大地愛搖動！ 2 上主在錫安大有能力；佢係至高、超過天下萬國。 3 萬民愛頌讚佢个名；佢个名偉大又威嚴。佢係至聖个！ 4 大能个王啊，你歡喜公義；你建立公平；你在以色列家伸張公義、維護公道。 5 愛頌讚上主—𠊎等个上帝！愛在佢个寶座前跪拜！佢係至聖个！ 6 在佢个祭司中有摩西㧯亞倫，在求喊佢名个人中有撒母耳；佢等求上主，佢就應佢等。 7 佢在雲柱个底背對佢等講話；佢等服從佢頒佈个法令㧯規則。 8 上主—𠊎等个上帝啊，你聽你子民个求喊；你係赦免佢等个上帝，總係你照佢等个過犯報應佢等。 9 愛頌讚上主—𠊎等个上帝！愛在佢个聖山頂敬拜佢！上主—𠊎等个上帝係至聖个！