Bible

1 上帝啊，你係𠊎个上帝；𠊎迫切尋求你！像天旱、燥燥、無水个荒地，𠊎个心神想念你，渴慕你。 2 你識俾𠊎在聖所朝見你，俾𠊎看你个大能㧯榮光。 3 你不變个慈愛比生命較好；所以𠊎个嘴愛唱歌頌讚你。 4 𠊎一生人攏總愛感謝你；𠊎愛擎起雙手對你祈禱。 5 𠊎个心神會盡滿足，像食滂沛；𠊎个嘴愛對你吟唱歡樂頌讚个詩歌。 6 𠊎在眠床項思念你；𠊎歸暗晡緊想念你。 7 因為你時常幫助𠊎，𠊎在你个翼胛下歡喜唱歌。 8 𠊎个心兼兼跈等你；你个右手也扶持𠊎。 9 該兜尋機會殺害𠊎个，佢等攏總會落陰間去。 10 佢等會死在刀劍下，身屍被野狗喫淨淨。 11 總係，王會因為上帝歡喜快樂；對上帝許願个攏總會讚美佢；該時，講花撩个嘴一定會塞住。