Bible

1 哈利路亞！上主个僕人啊，愛讚美，你等愛讚美上主个名！ 2 上主个名應該受頌讚，對這下直到永永遠遠！ 3 對日出到日落个所在，上主个名應該受讚美！ 4 上主超過天下萬國，佢个榮光比天較高。 5 麼人像上主—𠊎等个上帝呢？佢个寶座設在至高个所在， 6 總係，佢低頭觀察，看顧諸天㧯大地。 7 佢對泥粉中高升窮苦人，佢對屎堆肚牽起困苦人； 8 佢使佢等同眾王子做朋友，同佢等本國个王子坐共下。 9 佢使毋會𫱔个婦女在家中受尊重，賜給姖子女，使姖歡喜快樂。哈利路亞！