Bible

1 這種人係實在有福氣个人：佢毋從壞人个計謀，毋跈罪人个腳步，毋㧯藐視上帝个人做伴。 2 佢只有歡喜上主个教示，日夜思想研究。 3 佢像種在河壩滣个果子樹，照時節結果子，樹葉毋會燥掉。佢所做个事全部順利！ 4 壞人就毋係恁樣：佢等像礱糠被風吹散。 5 所以，在審判个時，壞人會企毋住；罪人在義人个集會中也係恁樣。 6 上主看顧義人所行个路；總係壞人个路透到滅亡。