Bible

Numbers 7

Chinese (T) - TNV2012

1 摩西搭好聖帳篷該日，佢用聖油膏聖帳篷㧯底背肚所有个用器、祭壇，㧯祭壇頂所有个用品，使它兜分別為聖。

2 以色列各支族个領袖，就係各族族長，係管理人口登記个人，

3 帶佢等个禮物來，獻給上主：有六輛篷布車，十二隻牛牯。每兩個領袖獻一輛篷布車，每一個領袖獻一隻牛牯。佢等將這兜東西獻在聖帳篷前以後，

4 上主對摩西講：

5 「你愛收下這兜禮物做聖帳篷个用途，照利未人工作个需要分給佢等。」

6 所以摩西將篷布車㧯牛牯交給利未人。

7 佢將兩輛車，四隻牛，照革順子孫工作个需要交給佢等，

8 又將四輛車，八隻牛，照米拉利子孫工作个需要交給佢等。佢等全部愛在祭司亞倫个孻仔以他瑪个指揮下背執行任務。

9 總係摩西無將車抑係牛交給哥轄个子孫，因為佢等負責用肩頭扛聖物。

10 各領袖也帶來慶祝獻壇典禮个禮物。當佢等預備好將禮物獻在祭壇頂个時，

11 上主對摩西講：「你愛㧯佢等講，在十二日當中，逐日愛有一個領袖為獻壇典禮獻禮物。」

89 摩西進入聖帳篷，愛對上主講話个時，佢聽到上主對約櫃贖罪个蓋仔頂，兩個基路伯中間，對佢講話。