Bible

1 到該日，你等會講：上主啊，𠊎感謝你！雖然你識對𠊎發譴，總係你个受氣已經煞了；你這下已經安慰𠊎。 2 看啊！上帝係𠊎个救主；𠊎愛信賴佢，𠊎麼介都毋驚。上主係𠊎个力量，主係𠊎个詩歌；佢係𠊎个救主。 3 就像泉水使嘴燥个人歡喜，上帝个子民也因為佢个拯救快樂！ 4 到該日，你等會講：愛感謝上主，頌讚佢个名！愛將佢个所做報給萬國知；愛向萬民傳揚佢个聖名。 5 愛向上主唱歌，因為佢成就大事；愛俾全世界聽到這好消息！ 6 住在錫安个人愛大聲歡喜唱歌！以色列神聖个上帝樣般偉大啊！佢住在你等當中！