Ezekiel 41
1 接等，該人帶𠊎到聖所。佢量聖所个門口，深三公尺，
2 闊五公尺，兩片壁个柱𣎴共樣賁兩公尺半。佢又量聖所，長二十公尺，闊十公尺。
3 然後，佢到內殿去。佢量內殿个門口，深一公尺，闊三公尺，兩片壁个柱𣎴共樣賁三公尺半。
4 佢又量內殿，係十公尺四方。佢㧯𠊎講：「這係至聖所。」
5 該人量聖殿个壁，賁三公尺。聖殿周圍个壁外向有橫屋，逐間闊兩公尺。
6 橫屋有三層，逐層有三十隻間房。聖殿个壁外向个逐層全部比下一層跔兜落去，上一層就比下一層較薄兜仔，所以橫屋个樑榫做得放在下一層較闊个壁頂高，毋使用釘仔固定。
7 恁樣，對外背看聖殿个壁，對頂高到下背，當像全部平賁。憑等聖殿外壁㧯這兜橫屋外片有兩個闊闊个樓梯，人做得對一樓上到二樓，再到三樓。
12 聖殿西片空地个盡尾有一座屋，長四十五公尺，闊三十五公尺，四周圍个壁賁兩公尺半。
13 該人量聖殿，長五十公尺。對聖殿後壁到空地盡尾西片該座屋个後壁，有五十公尺。
14 聖殿个頭前㧯兩片个空地長也係五十公尺。
15 佢又量西片該座屋，包含兩片个走廊，也係五十公尺。
16 聖殿个前堂、聖所、㧯至聖所，對地面到窗門口个壁全部鑲樹枋。這兜窗門做得關起來。
17 聖殿四周圍个壁，對地面到門个頂高，
18 內外全部雕刻基路伯㧯棕樹。基路伯㧯棕樹一隻隔一隻排等。逐隻基路伯全部有兩隻面：
21 聖所个門柱係四方个。
22 在至聖所个門口頭前有一隻樹料做个祭壇，高一公尺半，闊一公尺。祭壇四角个柱仔、壇面，㧯壇堘全部係樹料做个。該人㧯𠊎講：「這係擺在上主面前个桌仔。」
23 聖所㧯至聖所个門口各有兩層門。
24 逐層門全部係雙扇个，逐扇門做得自由開闔。
25 聖所个門面頂雕刻有棕樹㧯基路伯，像壁項个共樣。前堂門个門楣外向有用枋仔遮等。
26 前堂兩片全部有細窗門，壁項有雕刻棕樹。