Matthew 4— ABTAG

¹Nang magkagayoy inihatid ng Espiritu Santo si Jesus sa ilang upang siyay tuksuhin ng diablo.

²At nang siyay makapagayunong apat na pung araw at apat na pung gabi, sa wakas ay nagutom siya.

³At ang manunukso ay dumating at nagsabi sa kaniya, Kung ikaw ang Anak ng Dios, ay ipagutos mo na ang mga batong ito ay maging mga tinapay.

⁴Datapuwat siyay sumagot, at sinabi, Nasusulat, Hindi sa tinapay lamang mabubuhay ang tao, kundi sa bawat salitang lumalabas sa bibig ng Dios.

⁵Nang magkagayoy dinala siya ng diablo sa bayang banal; at inilagay siya sa taluktok ng templo,

⁶At sa kaniyay sinabi, Kung ikaw ang Anak ng Dios, ay magpatihulog ka: sapagkat nasusulat, Siyay magbibilin sa kaniyang mga anghel tungkol sa iyo: at, Aalalayan ka ng kanilang mga kamay, Baka matisod ka ng iyong paa sa isang bato.

⁷Sinabi sa kaniya ni Jesus, Nasusulat din naman, Huwag mong tutuksuhin ang Panginoon mong Dios.

⁸Muling dinala siya ng diablo sa isang bundok na lubhang mataas, at ipinamalas sa kaniya ang lahat ng mga kaharian sa sanglibutan, at ang kaluwalhatian nila;

⁹At sinabi niya sa kaniya, Lahat ng mga bagay na ito ay ibibigay ko sa iyo, kung ikaw ay magpapatirapa at sasambahin mo ako.

¹⁰Nang magkagayoy sinabi sa kaniya ni Jesus, Humayo ka, Satanas: sapagkat nasusulat, Sa Panginoon mong Dios sasamba ka, at siya lamang ang iyong paglilingkuran.

¹¹Nang magkagayoy iniwan siya ng diablo; at narito, nagsidating ang mga anghel at siyay pinaglingkuran.

¹²Nang marinig nga niya na si Juan ay dinakip, ay umuwi siya sa Galilea;

¹³At pagkaiwan sa Nazaret, ay naparoon siya at tumahan sa Capernaum, na nasa tabi ng dagat, sa mga hangganan ng Zabulon at Neftali:

¹⁴Upang maganap ang sinalita sa pamamagitan ng propeta Isaias na nagsasabi,

¹⁵Ang lupa ni Zabulon at ang lupa ni Neftali, Sa gawing dagat, sa dako pa roon ng Jordan, Galilea ng mga Gentil,

¹⁶Ang bayang nalulugmok sa kadiliman, ay Nakakita ng dakilang ilaw, At sa nangalulugmok sa pook at lilim ng kamatayan, ay Lumiwanag sa kanila ang ilaw.

¹⁷Mula noon ay nagpasimulang mangaral si Jesus, at magsabi, Mangagsisi kayo; sapagkat malapit na ang kaharian ng langit.

¹⁸At sa paglalakad niya sa tabi ng dagat ng Galilea; ay nakita niya ang dalawang magkapatid, si Simon na tinatawag na Pedro, at si Andres na kaniyang kapatid, na inihuhulog ang isang lambat sa dagat; sapagkat silay mga mamamalakaya.

¹⁹At sinabi niya sa kanila, Magsisunod kayo sa hulihan ko, at gagawin ko kayong mga mamamalakaya ng mga tao.

²⁰At pagdakay iniwan nila ang mga lambat, at nagsisunod sa kaniya.

²¹At paglakad sa dako roon ay nakita niya ang dalawa pang magkapatid, si Santiago na anak ni Zebedeo, at ang kaniyang kapatid na si Juan, sa daong na kasama si Zebedeo na kanilang ama, na nagsisipaghayuma ng kanilang mga lambat; at silay kaniyang tinawag.

²²At pagdakay iniwan nila ang daong at ang kanilang ama, at nagsisunod sa kaniya.

²³At nilibot ni Jesus ang buong Galilea, na nagtuturo sa mga sinagoga nila, at ipinangangaral ang evangelio ng kaharian, at nagpapagaling ng lahat ng sarisaring sakit at ng lahat ng karamdaman na nasa mga tao.

²⁴At lumaganap ang pagkabantog niya sa buong Siria: at kanilang dinadala sa kaniya ang lahat ng mga may karamdaman, at ang mga pinipighati ng sarisaring sakit at pahirap, at ang mga inaalihan ng mga demonio, at ang mga himatayin, at ang mga lumpo: at silay pinagagaling niya.

²⁵At sinundan siya ng lubhang karamihang tao mula sa Galilea at Decapolis at Jerusalem at Judea at mula sa dakong ibayo ng Jordan.