1 Chronicles 25— AL1

¹Davidi e prijësit e ushtrisë caktuan për shërbesën bijtë e Asafit, të Hemanit e të Jedutunit. Ata profetizonin me lira, harpa e cimbale. Ky është numërimi i njerëzve që duhej të kryenin shërbesën:

²për bijtë e Asafit, Zakuri, Jozefi, Netanjahu e Asarelahu. Bijtë e Asafit ishin nën drejtimin e Asafit, i cili ishte nën drejtimin e mbretit.

³Për Jedutunin, Gedaliahu, Ceriu, Isaia, Shimei, Hashabiahu e Matitjahu, bijtë e Jedutunit; gjashtë vetë nën drejtimin e atit të tyre Jedutunit, të cilët profetizonin me harpë, për të falënderuar e lavdëruar Zotin;

⁴dhe për Hemanin, bijtë e Hemanit, Bukjahu, Matanjahu, Uzieli, Shebueli e Jerimoti, Hananiahu, Hananiu, Eliatahu, Gidaltiu e Romamtiezeri, Joshbekashahu, Malotiu, Hotiri e Mahazioti.

⁵Të gjithë këta ishin bijtë e Hemanit, vegimtarit të mbretit, sipas premtimit që i kishte bërë Perëndia se do ta lartësonte, sepse Perëndia i kishte falur Hemanit katërmbëdhjetë bij e tri bija.

⁶Këta ishin të gjithë nën drejtimin e të atit. Këndonin në tempullin e Zotit me cimbale, harpa e lira, për shërbesën në tempullin e Perëndisë, nën drejtimin e mbretit. Asafi, Jedutuni, Hemani

⁷dhe numri i vëllezërve të tyre, që kishin mësuar të këndonin për Zotin, ishte dyqind e tetëdhjetë e tetë.

⁸Për rendin e shërbesës hodhën short i madh e i vogël, mësues e nxënës.

⁹Shorti i parë, për Asafin, i ra Jozefit; i dyti, Gedaliahut, vëllezërve e bijve e tij, gjithsej dymbëdhjetë;

¹⁰i treti, Zakurit, bijve e vëllezërve të tij, gjithsej dymbëdhjetë;

¹¹i katërti, Jecerit, bijve e vëllezërve të tij, gjithsej dymbëdhjetë;

¹²i pesti, Netanjahut, bijve e vëllezërve të tij, gjithsej dymbëdhjetë;

¹³i gjashti, Bukjahut, bijve e vëllezërve të tij, gjithsej dymbëdhjetë;

¹⁴i shtati, Jesarelahut, bijve e vëllezërve të tij, gjithsej dymbëdhjetë;

¹⁵i teti, Isaisë, bijve e vëllezërve të tij, gjithsej dymbëdhjetë;

¹⁶i nënti, Matanjahut, bijve e vëllezërve të tij, gjithsej dymbëdhjetë;

¹⁷i dhjeti, Shimeit, bijve e vëllezërve të tij, gjithsej dymbëdhjetë;

¹⁸i njëmbëdhjeti, Azarelit, bijve e vëllezërve të tij, gjithsej dymbëdhjetë;

¹⁹i dymbëdhjeti, Hashabiahut, bijve e vëllezërve të tij, gjithsej dymbëdhjetë;

²⁰i trembëdhjeti, Shubaelit, bijve e vëllezërve të tij, gjithsej dymbëdhjetë;

²¹i katërmbëdhjeti, Matitjahut, bijve e vëllezërve të tij, gjithsej dymbëdhjetë;

²²i pesëmbëdhjeti, Jeremotit, bijve e vëllezërve të tij, gjithsej dymbëdhjetë;

²³i gjashtëmbëdhjeti, Hananiahut, bijve e vëllezërve të tij, gjithsej dymbëdhjetë;

²⁴i shtatëmbëdhjeti, Joshbekashahut, bijve e vëllezërve të tij, gjithsej dymbëdhjetë;

²⁵i tetëmbëdhjeti, Hananiut, bijve e vëllezërve të tij, gjithsej dymbëdhjetë;

²⁶i nëntëmbëdhjeti, Malotiut, bijve e vëllezërve të tij, gjithsej dymbëdhjetë;

²⁷i njëzeti, Eliatahut, bijve e vëllezërve të tij, gjithsej dymbëdhjetë;

²⁸i njëzetenjëti, Hotirit, bijve e vëllezërve të tij, gjithsej dymbëdhjetë;

²⁹i njëzetedyti, Gidaltiut, bijve e vëllezërve të tij, gjithsej dymbëdhjetë;

³⁰i njëzetetreti, Mahaziotit, bijve e vëllezërve të tij, gjithsej dymbëdhjetë;

³¹dhe i njëzetekatërti, Romamtiezerit, bijve e vëllezërve të tij, gjithsej dymbëdhjetë.