Genesis 10— NO2011NN

¹Dette er slektshistoria til Noahs søner, Sem, Ham og Jafet. Dei fekk søner etter storflaumen.

²Sønene til Jafet var Gomer, Magog, Madai, Javan, Tubal, Mesjek og Tiras.

³Sønene til Gomer var Asjkenas, Rifat og Togarma.

⁴Sønene til Javan var Elisja, Tarsis, Kittim og Rodanim.

⁵Frå dei har folkeslaga på fjerne kystar breidd seg ut i sine land, kvart med sitt språk, slekt for slekt, folkeslag etter folkeslag.

⁶Sønene til Ham var Kusj, Misrajim, Put og Kanaan.

⁷Kusj hadde sønene Seba, Havila, Sabta, Rama og Sabteka. Sønene til Rama var Saba og Dedan.

⁸Kusj vart far til Nimrod. Han var den første som vart mektig på jorda.

⁹Han vart ein veldig jeger for HERRENS andlet. Difor heiter det: «Som Nimrod, ein veldig jeger for HERRENS andlet.»

¹⁰Først omfatta kongedømet hans Babel, Erek, Akkad og Kalne i landet Sinear.

¹¹Frå dette landet drog han til Assur og bygde Ninive, Rehobot-Ir og Kalah

¹²og Resen mellom Ninive og Kalah, det er den store byen.

¹³Misrajim vart far til ludarane, anamarane, lehabarane, naftuharane,

¹⁴patrusarane og kasluharane, dei som filistrane har kome frå, og kaftorarane.

¹⁵Kanaan vart far til Sidon, den førstefødde, og til Het,

¹⁶og dessutan til jebusittane, amorittane og girgasjittane,

¹⁷hevittane, arkittane, sinittane,

¹⁸arvadittane, semarittane og hamatittane. Sidan spreidde kanaanearslektene seg vidare utover.

¹⁹Landområdet til kanaanearane strekte seg frå Sidon til Gaza, når ein tek leia bort imot Gerar, og til Lesja, når ein tek leia bort imot Sodoma, Gomorra, Adma og Sebojim.

²⁰Dette var Hams etterkomarar, slekt for slekt og språk for språk, land etter land og folkeslag etter folkeslag.

²¹Sem, eldste bror til Jafet, fekk òg born. Han vart stamfar til alle Eber-sønene.

²²Sønene til Sem var Elam, Assur, Arpaksjad, Lud og Aram.

²³Sønene til Aram var Us, Hul, Geter og Masj.

²⁴Arpaksjad vart far til Sjelah, og Sjelah vart far til Eber.

²⁵Eber fekk to søner. Den eine heitte Peleg, for i hans dagar vart jorda delt opp. Bror hans heitte Joktan.

²⁶Joktan vart far til Almodad, Sjelef, Hasarmavet, Jerah,

²⁷Hadoram, Usal, Dikla,

²⁸Obal, Abimael, Saba,

²⁹Ofir, Havila og Jobab. Alle desse var sønene til Joktan.

³⁰Dei hadde bustadene sine frå Mesja bort imot Sefar, i fjella mot aust.

³¹Dette var Sems etterkomarar, slekt for slekt og språk for språk, land etter land, folkeslag for folkeslag.

³²Og dette var slektene etter sønene til Noah, slektshistorie for slektshistorie, folkeslag etter folkeslag. Frå dei har folkeslaga breidd seg ut over jorda etter storflaumen.