1Herren hev vorte konge, folki skjelv, han som tronar yver kjerubar, jordi ristest.
2Herren er stor i Sion, og upphøgd er han yver alle folki.
3Dei skal prisa ditt namn, det store og skræmelege; heilag er han.
4Og i sin styrke elskar kongen rettferd; du hev grunnfest rettvisa, du hev gjort rett og rettferd i Jakob.
5Høglova Herren vår Gud, og fall ned for hans fotskammel! Heilag er han.
6Moses og Aron var millom hans prestar, og Samuel millom dei som kalla på hans namn; dei ropa til Herren, og han svara dei.
7I ein skystolpe tala han til dei; dei heldt hans vitnemål og den lov han gav dei.
8Herre vår Gud, du svara dei; du var dei ein Gud som tilgav dei, men og ein hemnar yver deira gjerningar.
9Høglova Herren vår Gud, og fall ned for hans heilage fjell! For heilag er Herren vår Gud.