1Herren hev vorte konge; jordi fagne seg, mange øyar glede seg!
2Skyer og myrker er kringum han, rettferd og rett er grunnvoll for hans kongsstol.
3Eld gjeng framfor han og brenner hans fiendar rundt ikring.
4Hans eldingar lyser upp heimen; jordi ser det og skjelv.
5Fjelli brånar som voks for Herren, for herren yver all jordi.
6Himmelen kunngjer hans rettferd, og alle folki ser hans æra.
7Skjemde vert alle som dyrkar utskorne bilete, som rosar seg av avgudar; tilbed han, alle gudar!
8Sion høyrer det og gled seg, og Judas døtter fagnar seg for dine domar skuld, Herre!
9For du, Herre, er den høgste yver heile jordi, du er høgt upphøgd yver alle gudar.
10De som elskar Herren, hata det vonde! Han tek vare på sjelene åt sine trugne; or handi åt dei ugudlege friar han dei.
11Ljos er utsått for den rettferdige, og gleda for dei som er ærlege i hjarta.
12Gled dykk, de rettferdige, i Herren, og lova hans heilage namn!